ന്യൂയോര്‍ക്ക്: പുലിറ്റ്സര്‍ പ്രൈസ് നേടിയ അമേരിക്കന്‍ ഡിജിറ്റല്‍ മീഡിയ കമ്പനിയായ ബസ്ഫീഡി(BuzzFeed)ന്റെ വാര്‍ത്താ വിഭാഗം അടച്ചുപൂട്ടാന്‍ തീരുമാനിച്ചു. ടെക്ക് മേഖലയിലെ മാന്ദ്യവും ഓഹരി വിപണിയിലെ പ്രതിസന്ധിയും കണക്കിലെടുത്താണ് വാര്‍ത്താ വിഭാഗം അടച്ചുപൂട്ടാന്‍ തീരുമാനിച്ചതെന്ന് സഹസ്ഥാപകനും സി.ഇ.ഒയുമായ ജോനാ പെരെറ്റി വ്യഴാഴ്ച സ്ഥാപനത്തിലെ ജീവനക്കാര്‍ക്ക് അയച്ച മെമ്മോറാണ്ടത്തിലൂടെ അറിയിച്ചു.
ഇതിന്റെ ഭാഗമായി പ്രാഥമികമായി കമ്പനിയിലെ 15 ശതമാനത്തോളം ജീവനക്കാര്‍ക്ക് തൊഴില്‍ നഷ്ടമാകുമെന്ന് മിന്റ് അടക്കമുള്ള മാധ്യമങ്ങള്‍ റിപ്പോര്‍ട്ട് ചെയ്യുന്നു. ഗൂഗിള്‍ മുതല്‍ ഫേസ്ബുക്ക് വരെയുള്ളവയില്‍ നിന്നുള്ള ഡിജിറ്റല്‍ പരസ്യങ്ങള്‍ കുത്തനെ ഇടിഞ്ഞതാണ് കമ്പനിയുടെ അടച്ചുപൂട്ടലിലേക്കെത്തിച്ചതെന്നും റിപ്പോര്‍ട്ടില്‍ പറയുന്നു.
വാര്‍ത്താ വിഭാഗത്തിന് പുറമേ, കമ്പനിയുടെ ബിസിനസ്, ടെക്, അഡ്മിനിസ്‌ട്രേറ്റീവ് ടീമുകളിലും പിരിച്ചുവിടലുകള്‍ നടക്കുമെന്ന് ജോനാ പെരെറ്റി ജീവനക്കാര്‍ക്ക് അയച്ച മെമ്മോയില്‍ പറഞ്ഞു.
BREAKING: BuzzFeed, the digital media company which gained notoriety for publishing the now-debunked Steele Dossier, is being shut down, according to a memo from BuzzFeed Inc. CEO Jonah Peretti. The dossier was funded by @HillaryClinton campaign and used to push the discredited… pic.twitter.com/3WfNwTCZ9s
— Simon Ateba (@simonateba) April 20, 2023
