പരിക്കല്ല! വ്യക്തിപരമായ കാര്യത്തിനായി ബുംറ നാട്ടിലേക്ക്! അടുത്ത മത്സരത്തില്‍ കളിക്കില്ല
സ്പോര്‍ട്സ് ഡെസ്‌ക്
Sunday, 3rd September 2023, 11:16 pm
ഇന്ത്യന്‍ സ്റ്റാര്‍ പേസ് ബൗളര്‍ ജസ്പ്രീത് ബുംറ നാട്ടിലേക്ക് മടങ്ങി. ഏഷ്യാ കപ്പില്‍ ഇന്ത്യയുടെ മത്സരങ്ങള്‍ നടക്കുന്ന ശ്രീലങ്കയില്‍ നിന്നാണ് താരം മുംബൈയിലേക്ക് മടങ്ങിയത്. താരം നേപ്പാളിനെതിരെയുള്ള അടുത്ത മത്സരത്തില്‍ കളിക്കില്ല.
തന്റെ ആദ്യ കുഞ്ഞിന്റെ ജനനത്തിനായാണ് താരം നാട്ടിലേക്ക് പോകുന്നതെന്നാണ് ന്യൂസ് 18 റിപ്പോര്‍ട്ട് ചെയ്യുന്നത്. ബുംറയോ തന്റെ കുടുംബമോ ഇക്കാര്യം തുറന്നുപറഞ്ഞിട്ടില്ല. എന്നാല്‍ ഇതാണ് കാരണമെന്ന് റിപ്പോര്‍ട്ടുകള്‍ സൂചിപ്പിക്കുന്നു.
‘ബുംറ ചില വ്യക്തിപരമായ കാരണങ്ങള്‍ മൂലം നാട്ടിലേക്ക് മടങ്ങി. പരിക്കൊ മറ്റ് കാരണങ്ങള്‍ കൊണ്ടൊ അല്ല അദ്ദേഹത്തിന്റെ മടക്കം. സൂപ്പര്‍ ഫോര്‍ സ്‌റ്റേജില്‍ താരം ടീമിനൊപ്പം ചേരും,’ ടീം ഒഫീഷ്യലിനെ ഉദ്ദരിച്ച് ന്യൂസ് 10 റിപ്പോര്‍ട്ട് ചെയ്തു.
