ഞങ്ങളുടെ സര്‍ക്കാര്‍ വന്നതോടെ യു.പിയിലെ സ്ത്രീകളും പോത്തും കാളയും സുരക്ഷിതരായി: യോഗി ആദിത്യനാഥ്
ഡൂള്‍ന്യൂസ് ഡെസ്‌ക്
Tuesday, 14th September 2021, 9:27 pm
ലഖ്‌നൗ: ഉത്തര്‍പ്രദേശില്‍ തന്റെ സര്‍ക്കാരിന് കീഴില്‍ സ്ത്രീകളും പോത്തും കാളയും സുരക്ഷിതരാണെന്ന് മുഖ്യമന്ത്രി യോഗി ആദിത്യനാഥ്. താന്‍ അധികാരത്തില്‍ വരുന്നതിന് മുന്‍പ് ഇവയൊന്നും സുരക്ഷിതരല്ലായിരുന്നുവെന്ന് അദ്ദേഹം പറഞ്ഞു.
‘എന്റെ സര്‍ക്കാര്‍ അധികാരത്തില്‍ വന്നതിനുശേഷം ഈ അവസ്ഥയ്ക്ക് മാറ്റമുണ്ടായി,’ ആദിത്യനാഥ് പറഞ്ഞു.
ബി.ജെ.പി സര്‍ക്കാര്‍ വരുന്നതിന് മുന്‍പ് എന്തായിരുന്നു യു.പിയുടെ പ്രതിച്ഛായയെന്നും അദ്ദേഹം ചോദിച്ചു.
‘റോഡിലെ കുഴികള്‍ ഉത്തര്‍പ്രദേശിന്റെ പ്രതീകമായിരുന്നു. കാളകള്‍ക്കും പോത്തുകള്‍ക്കും പോലും സുരക്ഷിതത്വം നഷ്ടപ്പെട്ടിരുന്നു. പരിഷ്‌കൃതരായ മനുഷ്യര്‍ പോലും രാത്രി തെരുവിലൂടെ നടക്കാന്‍ ഭയപ്പെട്ടിരുന്ന കാലമായിരുന്നു,’ മുഖ്യമന്ത്രി പറഞ്ഞു.
