പഞ്ചാബില്‍ നിര്‍ണായക രാഷ്ട്രീയനീക്കം; ശിരോമണി അകാലിദളും ബി.എസ്.പിയും ഒന്നിക്കുന്നു
ഡൂള്‍ന്യൂസ് ഡെസ്‌ക്
Saturday, 12th June 2021, 10:34 am
അമൃത്സര്‍: വരാനിരിക്കുന്ന നിയമസഭാ തെരഞ്ഞെടുപ്പില്‍ ബി.എസ്.പിയുമായി സഖ്യം ചേരാന്‍ ശിരോമണി അകാലിദള്‍. ഒന്നിച്ചുമത്സരിക്കുന്നതില്‍ ഇരുപാര്‍ട്ടികളും തമ്മില്‍ തത്വത്തില്‍ ധാരണയായെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ശിരോമണി അകാലിദള്‍ നേതാവ് സുഖ്ബീര്‍ ബാദലും ബി.എസ്.പി. നേതാവ് സതീഷ് ചന്ദ്ര മിശ്രയും ശനിയാഴ്ച യോഗം ചേരും.
ബി.എസ്.പി. 20 സീറ്റില്‍ മത്സരിക്കാനാണ് സാധ്യത. അധികാരത്തിലെത്തിയാല്‍ ഉപമുഖ്യമന്ത്രി സ്ഥാനം ദളിത് സമുദായത്തിന് നല്‍കുമെന്ന് ശിരോമണി അകാലിദള്‍ പ്രഖ്യാപിച്ചിട്ടുണ്ട്.
പഞ്ചാബിലെ ജനസംഖ്യയില്‍ 32 ശതമാനവും ദളിതരാണ്. കാര്‍ഷിക നിയമത്തില്‍ പ്രതിഷേധിച്ച് ബി.ജെ.പി. സഖ്യം ഉപേക്ഷിച്ച ശിരോമണി അകാലിദള്‍, മറ്റ് പാര്‍ട്ടികളുമായി ചേര്‍ന്ന് അധികാരത്തിലെത്താനാണ് ശ്രമിക്കുന്നത്.
