ബ്രോഡാഡിയിലെ ടൈറ്റില്‍ സോങ് പുറത്ത്. പൃഥ്വിരാജും മോഹന്‍ലാലും ചേര്‍ന്നാണ് പാടിയ ‘വന്ന് പോകും’ എന്ന ഗാനമാണ് പുറത്ത് വന്നിരിക്കുന്നത്. അച്ഛനും മകനും തമ്മിലുള്ള സംഭാഷണ രൂപത്തിലാണ് പാട്ടിന്റെ വരികള്‍.
സ്റ്റുഡിയോയില്‍ മോഹന്‍ലാലും പൃഥ്വിരാജും പാടുന്നതിന്റെ ദൃശ്യങ്ങള്‍ക്കൊപ്പം ചിത്രീകരണത്തിലെ രസകരമായ നിമിഷങ്ങളും വീഡിയോയില്‍ ഉണ്ട്.
പാട്ടിന് ഈണം നല്‍കിയതിന് ശേഷമാണ് ഞാനും ലാലേട്ടനും പാടട്ടെ എന്ന് പൃഥ്വിരാജ് തന്നെയാണ് പറഞ്ഞതെന്നും നേരത്തെ ദീപക് ദേവ് പറഞ്ഞു. ഇതുതന്നെയായിരുന്നു തന്റെ ആഗ്രഹമെന്നും എന്നാല്‍ പൃഥ്വി തന്നെ വന്നു പറയുകയാണെങ്കില്‍ പറയട്ടെ എന്ന് കരുതിയിരിക്കുകയായിരുന്നുവെന്നും ദിപക് കൂട്ടിച്ചേര്‍ത്തു.
ഗാനത്തിന്റെ റെക്കോഡിങ് ഡിസംബര്‍ 5 നായിരുന്നു നടന്നത്. ദീപക് ദേവിന്റെ തന്നെ തമ്മനത്തുള്ള സ്റ്റുഡിയോയില്‍ വെച്ചായിരുന്നു ഗാനം റെക്കോര്‍ഡ് ചെയ്തത്.
ജോണ്‍ കാറ്റാടിയായി മോഹന്‍ലാലും ഈശോ ജോണ്‍ കാറ്റാടിയായി പൃഥ്വിരാജുമെത്തുന്ന ബ്രോ ഡാഡിയില്‍ മീന, കല്യാണി പ്രിയദര്‍ശന്‍, ലാലു അലക്‌സ്, മുരളി ഗോപി തുടങ്ങി വന്‍ താരനിരയാണ് അണിനിരക്കുന്നത്.
ശ്രീജിത് എന്‍. ബിബിന്‍ മാളിയേക്കല്‍ എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഭിനന്ദന്‍ രാമാനുജനാണ് ഛായാഗ്രഹണം നിര്‍വഹിക്കുന്നത്.
കോമഡി ഫാമിലി എന്റര്‍ടൈനര്‍ ജോണറിലാണ് ബ്രോ ഡാഡി ഒരുങ്ങുന്നത്. ലൂസിഫറിനെ പോലെ ഗൗരവമുള്ള വിഷയമല്ല മറിച്ച് ഞാന്‍ ഏറ്റവും കുടുതല്‍ ആസ്വദിച്ച്, ചിരിച്ച് കേട്ട കഥയാണ് ബ്രോ ഡാഡി എന്നായിരുന്നു പൃഥ്വിരാജ് ചിത്രത്തെ പറ്റി പറഞ്ഞത്.
ലൂസിഫറിന് ശേഷം എമ്പുരാന് എന്ന ചിത്രമാണ് പൃഥ്വിരാജ് സംവിധാനം ചെയ്യാനിരുന്നത്. എന്നാല്‍ എമ്പുരാന് മുമ്പ് ബ്രോ ഡാഡി ചെയ്യാന്‍ തീരുമാനിക്കുകയായിരുന്നു.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: bro daddy title song out