ലണ്ടന്‍: ബ്രിട്ടീഷ് രാജകുടുംബാംഗമായ ഹാരി രാജകുമാരന്റെ ഓര്‍മകുറിപ്പ് ‘സ്പെയര്‍’ പുറത്തിറങ്ങി. പുസ്തകത്തിന് വലിയ ഡിമാന്റാണ് പുറത്തിറങ്ങിയ ശേഷമുള്ളത്.
കഴിഞ്ഞ ദിവസം രാത്രി വൈകിയും യു.കെയില്‍ പുസ്തക കടകള്‍ തുറന്ന് പ്രവര്‍ത്തിച്ചെന്നാണ് റിപ്പോര്‍ട്ടുകള്‍.
ഓണ്‍ലൈന്‍ സൈറ്റായ ആമസോണില്‍ സ്പെയര്‍ ബെസ്റ്റ് സെല്ലറുകളുടെ പട്ടികയില്‍ ഒന്നാം സ്ഥാനത്തെത്തി. 16 ഭാഷകളിലും അതിന്റെ ഓഡിയോ ബുക്കായും പുസ്തകം ലഭ്യമായി തുടങ്ങി.
പെന്‍ഗ്വിന്‍ റാന്‍ഡം ഹൗസാണ് പുസ്തകത്തിന്റെ പ്രസാധകര്‍. ബ്രിട്ടീഷ് രാജകുടുംബത്തിനുള്ളിലെ അധികാര ദുര്‍വിനിയോഗങ്ങളും വംശീയതയും പ്രധാനപ്പെട്ട മറ്റ് വെളിപ്പെടുത്തലുകളും ഓര്‍മക്കുറിപ്പില്‍ ഉണ്ടെന്ന് നേരത്തെതന്നെ റിപ്പോര്‍ട്ടുകളുണ്ടായിരുന്നു.
Anyway, we do have some spare copies of Spare if you want one pic.twitter.com/uOFbiPdMaW
— Bert’s Books (@bertsbooks) January 10, 2023
1992ല്‍ പുറത്തിറക്കിയ ഹാരിയുടെ അമ്മയുടെ ഓര്‍മക്കുറിപ്പായ ‘ഡയാന: ഹെര്‍ ട്രൂ സ്റ്റോറി’ക്ക് ശേഷം ബെസ്റ്റ് സെല്ലറാകുന്ന പുസ്തകമാകും സ്പെയര്‍ എന്നാണ് പ്രതീക്ഷിക്കുന്നത്.
