35,000 അടി ഉയരത്തില്‍ പറക്കവെ മുകളില്‍ നിന്ന് ഐസ്‌കട്ട വീണു; ബ്രിട്ടീഷ് എയര്‍വേസ് വിമാനത്തിന്റെ ചില്ല് തകര്‍ന്നു
ഡൂള്‍ന്യൂസ് ഡെസ്‌ക്
Wednesday, 29th December 2021, 11:04 am
ലണ്ടന്‍: ഐസ്‌കട്ട വീണുണ്ടായ അപകടത്തെത്തുടര്‍ന്ന് ബ്രിട്ടീഷ് എയര്‍വേസ് വിമാനത്തിന്റെ മുന്‍ ഭാഗത്തെ ചില്ല് തകര്‍ന്നു.
ക്രിസ്മസ് ദിനത്തില്‍ ലണ്ടനില്‍ നിന്നുള്ള യാത്രക്കിടെയാണ് 35,000 അടി ഉയരത്തില്‍ പറക്കവെ വിമാനത്തിന് മുകളിലേക്ക് ഐസ്‌കട്ട വീണത്.
ഈ വിമാനത്തിനും 1000 അടി മുകളില്‍ പറക്കുകയായിരുന്ന മറ്റൊരു ജെറ്റ് വിമാനത്തില്‍ നിന്നും ഐസ്‌കട്ട താഴെ ചില്ലിന് മുകളിലേക്ക് വീഴുകയായിരുന്നു. ഇതോടെ രണ്ട് ഇഞ്ച് കനമുണ്ടായിരുന്നു ചില്ല് തകര്‍ന്നു.
BA2236 ബോയിംഗ് 777 വിമാനം ലണ്ടനിലെ ഗാട്‌വിക് അന്താരാഷ്ട്ര വിമാനത്താവളത്തില്‍ നിന്നും കോസ്റ്ററിക്കയിലെ സാന്‍ ഹോസിലേക്കുള്ള യാത്രയിലായിരുന്നു.
200ഓളം യാത്രക്കാരാണ് വിമാനത്തിലുണ്ടായിരുന്നത്.
