ആര്‍.എസ്.എസ് എന്നാല്‍ രാഷ്ട്രീയ സര്‍വനാസ് സമിതി: ബൃന്ദ കാരാട്ട്
ഡൂള്‍ന്യൂസ് ഡെസ്‌ക്
Sunday, 22nd October 2023, 7:34 pm
ന്യൂദല്‍ഹി: ആര്‍. എസ്.എസ് എന്നാല്‍ രാഷ്ട്രീയ സര്‍വനാസ് സമിതിയാണെന്ന് സി.പി.ഐ.എം നേതാവും പൊളിറ്റ് ബ്യൂറോ അംഗവുമായ ബൃന്ദ കാരാട്ട്. ഹിന്ദുമതത്തിന് എല്ലാ വിഭാഗങ്ങളെയും വിശ്വാസങ്ങളെയും ബഹുമാനിക്കുന്ന സംസ്‌കാരമാണ് ഉള്ളതെന്ന ആര്‍.എസ്.എസ് മേധാവി മോഹന്‍ ഭഗവതിന്റെ പരാമര്‍ശത്തെ വിമര്‍ശിക്കുകയായിരുന്നു ബൃന്ദ കാരാട്ട്.
ഇന്ത്യയുടെ ഐക്യത്തെയും സംസ്‌കാരത്തെയും ആര്‍.എസ്.എസുകാര്‍ ആക്രമിക്കുകയാണെന്ന് ബൃന്ദ പറഞ്ഞു. സംഘപരിവാര്‍ രാഷ്ട്രീയം നിരന്തരം മറ്റ് മതങ്ങളെയും മൂല്യങ്ങളെയും ആളുകളെയും അധിക്ഷേപിക്കുകയാണെന്നും ബൃന്ദ ചൂണ്ടിക്കാട്ടി.
എല്ലാ ദിവസവും ആര്‍.എസ്.എസ് വിദ്വേഷ പ്രസംഗങ്ങള്‍ നടത്തുകയും അക്രമങ്ങള്‍ക്ക് പ്രേരിപ്പിക്കുകയാണെന്നും ബൃന്ദ പറഞ്ഞു. ഹിന്ദുമതത്തെ ഇസ്രഈലും ഹമാസും തമ്മിലുള്ള സംഘര്‍ഷത്തോട് താരതമ്യപ്പെടുത്തി ഭഗവത് സംസാരിച്ചിരുന്നു
