മെസിയിലൂടെ പെനാള്‍ട്ടിയില്‍ അര്‍ജന്റീന ഗോള്‍ നേടിയപ്പോള്‍ ലൈവ് ടെലിക്കാസ്റ്റില്‍ കയ്യടിച്ച് അഭിനന്ദിക്കുന്ന റൊണാള്‍ഡീഞ്ഞോയുടെ ചിത്രം തെളിഞ്ഞിരുന്നു. മത്സരം വിജയിച്ചപ്പോഴും അര്‍ജന്റീനക്ക് കൈ ഉയര്‍ത്തിക്കാട്ടി ഞ്ഞോ അഭിവാദ്യമര്‍പ്പിച്ചു.
മെസി ബാഴ്‌സയില്‍ തന്റെ കരിയര്‍ തുടങ്ങുമ്പോള്‍ റൊണാള്‍ഡീഞ്ഞോ ബാഴ്‌സയുടെ സീനിയര്‍ താരമായിരുന്നു. റൊണാള്‍ഡീഞ്ഞോയെ മെസി ഒരു ഗുരുസ്ഥാനത്താണ് കാണുന്നത്. ഇരുവരും തമ്മിലുള്ള സൗഹൃദവും ഫുട്‌ബോള്‍ ലോകം നെഞ്ചേറ്റിയിരുന്നു. റൊണാള്‍ഡീഞ്ഞോ ബാഴ്‌സ വിട്ട ശേഷവും ഈ സൗഹൃദം തുടരുന്നുണ്ട്.
Imagínate lo crack que tenés que ser para ser aplaudido por el mismísimo Ronaldinho.
അര്‍ജന്റീനയുടെ മുന്‍ സൂപ്പര്‍ താരം ഗബ്രിയേല്‍ ബാറ്റിസ്റ്റ്യൂട്ടയുടെ റെക്കോര്‍ഡാണ് മെസി മറികടന്നത്. 11 ഗോളുകളാണ് മെസി ലോകകപ്പില്‍ നേടിയത്. 10 ഗോളുകളാണ് ബാറ്റിസ്റ്റ്യൂട്ടക്ക് ഉണ്ടായിരുന്നത്. ഫിഫ ലോകകപ്പിന്റെ 2006, 2014, 2018, 2022 പതിപ്പുകളിലാണ് മെസി ഗോള്‍ സ്‌കോര്‍ ചെയ്തത്.
