ആഫ്രിക്കന്‍ വമ്പന്മാര്‍ക്ക് മുന്നില്‍ വീഴുന്നത് ശീലമാക്കി ബ്രസീല്‍; ആറ് മാസത്തിനിടെ തോറ്റത് മൂന്ന് ടീമുകളോട്
സ്പോര്‍ട്സ് ഡെസ്‌ക്
Wednesday, 21st June 2023, 11:58 pm
ആഫ്രിക്കന്‍ രാജ്യങ്ങള്‍ക്ക് മുമ്പില്‍ തോല്‍വിയൊരു ശീലമാക്കി അഞ്ച് തവണ ലോക ചാമ്പ്യന്മാരായ ബ്രസീല്‍. കഴിഞ്ഞ ആറ് മാസങ്ങള്‍ക്കിടയില്‍ കാമറൂണ്‍, മൊറോക്കൊ, സെനഗല്‍ എന്നീ ആഫ്രിക്കന്‍ ടീമുകളോടാണ് ബ്രസീല്‍ തോല്‍വിയറിഞ്ഞത്.
ഖത്തര്‍ ലോകകപ്പ് ഗ്രൂപ്പ് ഘട്ടത്തിലാണ് കാമറൂണിനെതിരെ ബ്രസീല്‍ പരാജയപ്പെടുന്നത്. ഗ്രൂപ്പ് ഘട്ടത്തിലെ ആദ്യ രണ്ട് മത്സരത്തില്‍ വിജയിച്ച ആത്മവിശ്വാസത്തില്‍ കളത്തിലിറങ്ങിയ ബ്രസീലിന് കാമറൂണിന്റെ പിടി വീഴുകയായിരുന്നു. അവസാന നിമിഷത്തില്‍ സൂപ്പര്‍ താരം വിന്‍സെന്റ് അബൂബക്കറിന്റെ ഗോളിലാണ് അന്ന് ബ്രസീല്‍ കീഴടങ്ങിയത്. ഇഞ്ച്വറി ടൈമില്‍ വിന്‍സെന്റ് നേടിയ ആ ഗോള്‍ ലോകകപ്പിലെ തന്നെ മനോഹര നിമിഷങ്ങളിലൊന്നായിരുന്നു.
