അവസാന സൗഹൃദമത്സരവും ജയിച്ച് ബ്രസീല്‍ റഷ്യയിലേക്ക്; ഓസ്ട്രിയയെ എതിരില്ലാത്ത മൂന്നു ഗോളുകള്‍ക്ക് തോല്‍പ്പിച്ചു
സ്പോര്‍ട്സ് ഡെസ്‌ക്
Sunday, 10th June 2018, 10:36 pm
വിയന്ന: ഓസ്ട്രിയയില്‍ നടന്ന സൗഹൃദ മത്സരത്തില്‍ ആതിഥേയരെ മൂന്നു ഗോളുകള്‍ക്ക് തോല്‍പ്പിച്ച് ബ്രസീല്‍ റഷ്യയിലേക്ക്. ഗബ്രിയേല്‍ ജീസസ്, നെയ്മര്‍, ഫിലിപ്പ് കൗട്ടിഞ്ഞോ എന്നിവരാണ് ഗോളുകള്‍ നേടിയത്.
35ാംമിനുട്ടില്‍ ജീസസാണ് ആദ്യ ഗോള്‍ നേടിയത്. രണ്ടാം പകുതിയില്‍ വില്ല്യന്‍ നല്‍കിയ പാസിലൂടെ നെയ്മര്‍ രണ്ടാം ഗോള്‍ നേടി. 69ാം മിനുട്ടിലാണ് കൗട്ടീഞ്ഞോയുടെ ഗോള്‍.
1998മുതല്‍ ഒരു ലോകകപ്പ് പോലും കളിക്കാത്ത ഓസ്ട്രിയയ്ക്ക് ഇത്തവണയും യോഗ്യത നേടാനായിരുന്നില്ല.
2017 ജൂണ്‍ മുതല്‍ ഒരു മത്സരത്തിലും പരാജയപ്പെടാതെയാണ് ബ്രസീല്‍ ലോകകപ്പിനിറങ്ങുന്നത്. ഗ്രൂപ്പ് ഇ യില്‍ സ്വിറ്റ്‌സര്‍ലണ്ടിനെതിരെ ഞായറാഴ്ചയാണ് ബ്രസീലിന്റെ കളി