സിനിമാലോകം ഈ വര്‍ഷം ഏറ്റവും പ്രതീക്ഷയോടെ കാത്തിരിക്കുന്ന സിനിമകളില്‍ ഒന്നാണ് ഭ്രമയുഗം. മമ്മൂട്ടി നായകനായി എത്തുന്ന സിനിമയുടെ അനൗണ്‍സ്‌മെന്റ് മുതല്‍ ഓരോ അപ്‌ഡേറ്റുകളും വ്യത്യസ്തത നിറഞ്ഞതായിരുന്നു. ഭൂതകാലം എന്ന സിനിമക്ക് ശേഷം രാഹുല്‍ സദാശിവന്‍ സംവിധാനം ചെയ്യുന്ന ചിത്രമാണ് ഭ്രമയുഗം. ഹൊറര്‍ ഴോണറില്‍ പെടുന്ന സിനിമ ബ്ലാക്ക് ആന്‍ഡ് വൈറ്റിലാണ് പുറത്തിറങ്ങുന്നത്. ചിത്രത്തിലെ മമ്മൂട്ടിയുടെ ലുക്കും പുറത്തിറങ്ങിയ പോസ്റ്ററുകളും സോഷ്യല്‍ മീഡിയയില്‍ ചര്‍ച്ചാവിഷയമായിരുന്നു.
നൈറ്റ് ഷിഫ്റ്റ് സ്റ്റുഡിയോസ്, വൈ നോട്ട് സ്റ്റുഡിയോസ് എന്നിവയുടെ ബാനറില്‍ ചക്രവര്‍ത്തി രാമചന്ദ്ര, എസ്. ശശികാന്ത് എന്നിവരാണ് ചിത്രം നിര്‍മിക്കുന്നത്. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളില്‍ സിനിമ പുറത്തിറങ്ങും. ഫെബ്രുവരി 15ന് ചിത്രം തിയേറ്ററുകളിലെത്തും.
Content Highlight: Bramayugam producer reveals exact budget of Bramayugam movie
