ഭ്രമയുഗത്തിന്റെ അടുത്ത പോസ്റ്ററുമെത്തി
പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് ഭ്രമയുഗം. കഴിഞ്ഞ ദിവസം ചിത്രത്തിന്റെ പുതിയ പോസ്റ്റര്‍ പുറത്ത് വന്നിരുന്നു.
ഇപ്പോള്‍ ചിത്രത്തിന്റെ അടുത്ത പോസ്റ്ററും പുറത്തു വന്നു. ഇത്തവണ അര്‍ജുന്‍ അശോകന്റെ പോസ്റ്ററാണ് അണിയറപ്രവര്‍ത്തകര്‍ പുറത്തുവിട്ടത്.
രാഹുല്‍ സദാശിവന്‍ സംവിധാനം ചെയ്യുന്ന ചിത്രത്തില്‍ മമ്മൂട്ടി, അര്‍ജുന്‍ അശോകന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. നൈറ്റ് ഷിഫ്റ്റ് സ്റ്റുഡിയോസിന് വേണ്ടി ചക്രവര്‍ത്തി രാമചന്ദ്രയും എസ്. ശശികാന്തും ചേര്‍ന്നാണ് ചിത്രം നിര്‍മിക്കുന്നത്.
ഇന്നലെ പുതുവര്‍ഷ ദിനത്തില്‍ ചിത്രത്തിലെ മമ്മൂട്ടിയുടെ പോസ്റ്റര്‍ പുറത്തുവന്നിരുന്നു. ആ പോസ്റ്ററിന് വന്‍ പ്രേക്ഷക സ്വീകാര്യതയായിരുന്നു നേടിയിരുന്നത്. നൈറ്റ് ഷിഫ്റ്റ് സ്റ്റുഡിയോസിന്റെ ബാനറില്‍ നിര്‍മിക്കുന്ന ആദ്യ സിനിമയാണ് ഇത്. ഓഗസ്റ്റ് 17നായിരുന്നു ഭ്രമയുഗത്തിന്റെ ചിത്രീകരണം ആരംഭിച്ചിരുന്നത്. നൈറ്റ് ഷിഫ്റ്റ് സ്റ്റുഡിയോസാണ് ചിത്രം നിര്‍മിക്കുന്നത്.
ലൊക്കേഷനില്‍ നിന്നുമുള്ള ബ്ലാക്ക് ആന്‍ഡ് വൈറ്റ് ചിത്രങ്ങള്‍ പുറത്ത് വിട്ടുകൊണ്ടായിരുന്നു അവര്‍ പാക്കപ്പ് വിവരം പങ്കുവെച്ചിരുന്നത്. ചിത്രം മുഴുവന്‍ ബ്ലാക്ക് ആന്‍ഡ് വൈറ്റായിരിക്കും എന്ന സൂചന ഉറപ്പിക്കുന്നതാണ് ഇത്.
ടി.ഡി. രാമകൃഷ്ണന്റേതാണ് സംഭാഷണങ്ങള്‍. സിദ്ധാര്‍ത്ഥ് ഭരതന്‍, അമല്‍ദ ലിസ് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. നൈറ്റ് ഷിഫ്റ്റ് സ്റ്റുഡിയോയും വൈനോട്ട് സ്റ്റുഡിയോയും അവതരിപ്പിക്കുന്ന ചിത്രം മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളില്‍ ഒരേസമയം 2024ന്റെ തുടക്കത്തില്‍ ലോകമെമ്പാടുമുള്ള തിയേറ്ററുകളില്‍ റിലീസ് ചെയ്യും.
ഛായാഗ്രഹണം: ഷെഹനാദ് ജലാല്‍ (ഡയറക്ടര്‍), പ്രൊഡക്ഷന്‍ ഡിസൈനര്‍: ജോതിഷ് ശങ്കര്‍, എഡിറ്റര്‍: ഷഫീക്ക് മുഹമ്മദ് അലി, സംഗീതം: ക്രിസ്റ്റോ സേവ്യര്‍, സംഭാഷണങ്ങള്‍: ടി.ഡി. രാമകൃഷ്ണന്‍, മേക്കപ്പ്: റോനെക്സ് സേവ്യര്‍, കോസ്റ്റ്യൂംസ് : മെല്‍വി ജെ., പി.ആര്‍.ഒ: ശബരി.
Content Highlight: Bramayugam Arjun Ashokan Poster Out
