'അന്ന് സൂര്യ, ഇന്ന് വിജയ്, ചെങ്കല്‍ ചൂളയിലെ പിള്ളേര് പിന്നേം പൊളിച്ചൂ ട്ടാ'; തെരിയിലെ ഫൈറ്റ് സീന്‍ റീ ക്രിയേറ്റ് ചെയ്ത് രാജാജി നഗറിലെ മിടുക്കന്‍മാര്‍
എന്റര്‍ടെയിന്‍മെന്റ് ഡെസ്‌ക്
Monday, 11th October 2021, 7:23 pm
കുറച്ച് മാസങ്ങള്‍ക്ക് മുന്‍പാണ് ചെങ്കല്‍ ചൂളയും അവിടുത്തെ കലാകാരന്‍മാരും സോഷ്യല്‍ മീഡിയയില്‍ ചര്‍ച്ചയായത്. സൂര്യ അഭിനയിച്ച ‘അയന്‍’ എന്ന സിനിമയിലെ ഗാനരംഗം പുനരാവിഷ്‌കരിച്ചാണ് അവര്‍ സോഷ്യല്‍ മീഡിയയില്‍ താരങ്ങളായത്.
ഇപ്പോള്‍ വിജയ്‌യുടെ ‘തെരി’ എന്ന ചിത്രത്തിലെ ഫൈറ്റ്‌സീന്‍ റീക്രിയേറ്റ് ചെയ്താണ് ഇവര്‍ വീണ്ടും കൈയടി നേടുന്നത്. തെരുവില്‍ ഭിക്ഷയെടുക്കുന്ന കുട്ടികളെ ഭിക്ഷാടന മാഫിയയില്‍ നിന്നും രക്ഷപ്പെടുത്തുന്ന സീനാണ് ഇതിനായി പുനരാവിഷ്‌കരിച്ചിരിക്കുന്നത്.
സിനിമയില്‍ കാണിച്ചിരിക്കുന്ന അതേ സീക്വന്‍സുകളാണ് വീഡിയോയിലും ഉള്ളത്. റോഡില്‍ നിന്നുള്ള സംഘട്ടനവും അവസാനം മാസ് ഡയലോഗിന് ശേഷമുള്ള ച്യൂയിംഗം കഴിക്കലും അതുപോലെ തന്നെ ഇവര്‍ ഒരുക്കിയിരിക്കുന്നത്.
