ന്യൂദല്‍ഹി: പ്രവാചകനെതിരായ വിവാദ പരാമര്‍ശം നടത്തിയ സംഭവത്തില്‍ അപലപിച്ച് ഖത്തര്‍ രംഗത്തെത്തിയതിന് പിന്നാലെ ഖത്തര്‍ എയര്‍വെയ്‌സിനെതിരെ പ്രതിഷേധവുമായി സംഘപരിവാര്‍. #boycottqatarairways ഇതിനോടകം ട്വിറ്റര്‍ ഇന്ത്യയില്‍ ട്രന്റിംഗായിട്ടുണ്ട്. 27,000 ട്വീറ്റുകളാണ് വിഷയത്തില്‍ വന്നിട്ടുള്ളതെന്ന് കണക്കുകള്‍ പറയുന്നു.
ഉപരാഷ്ട്രപതി വെങ്കയ്യ നായിഡുവിന്റെ ഖത്തറിലെ ഔദ്യോഗിക സന്ദര്‍ശനവേളയിലാണ് ഖത്തര്‍ വിദേശകാര്യ മന്ത്രായലയം പ്രവാചക നിന്ദ പരാമര്‍ശത്തില്‍ അതൃപ്തി രേഖപ്പെടുത്തിയിരുന്നത്.
Now you will see the power of Hindu’s.#BycottQatarAirways pic.twitter.com/KiabDh4alI
— रामभक्त हिन्दू विष्णु अयोध्यावासी🐦 🇮🇳१००% FB (@hindu_vishnu) June 6, 2022
രാജ്യത്തിന്റെ പ്രതിഷേധം അറിയിച്ചു കൊണ്ടുള്ള കത്ത് ഇന്ത്യന്‍ അംബാസഡര്‍ക്ക് കൈമാറിയതായും ഖത്തര്‍ വിദേശകാര്യ മന്ത്രാലയം അറിയിച്ചിരുന്നു. ഇതിന് പിന്നാലെയാണ് ഖത്തര്‍ ഗവണ്മെന്റിന്റെ ഉടമസ്ഥതയിലുള്ള വിമാനക്കമ്പനിയായ ഖത്തര്‍ എയര്‍വെയ്‌സിനെതിരെ സംഘപരിവാര്‍ രംഗത്തെത്തിയത്.
If you are real Indian please write. This#BycottQatarAirways pic.twitter.com/Lc3ajfivd3
— Kalpana Singh (@3K4444) June 6, 2022
പ്രവാചകനെതിരായ വിദ്വേഷ പ്രചാരണം വ്യാപകമായി പ്രചരിച്ചതോടെ ബി.ജെ.പിയ്ക്കെതിരെ ട്വിറ്ററില്‍ വിമര്‍ശനമുയരുന്നുണ്ട്. ലോകരാജ്യങ്ങള്‍ക്ക് മുന്‍പില്‍ ഇന്ത്യയെ ബി.ജെ.പി സര്‍ക്കാര്‍ നാണംകെടുത്തിയെന്നും, ഇന്ത്യ ലജ്ജ കൊണ്ട് തലകുനിക്കേണ്ടി വന്നെന്നും ചൂണ്ടിക്കാട്ടി നിരവധി പേരാണ് ട്വിറ്ററില്‍ ബി.ജെ.പി സര്‍ക്കാരിനെതിരെ വിമര്‍ശനവുമായി എത്തുന്നത്.
