ബോക്‌സിങ് റിങ്ങില്‍ വീണ്ടും ദാരുണാന്ത്യം; മൂന്നുമാസത്തിനിടെ ഇടിക്കൂട്ടില്‍ പൊലിഞ്ഞത് നാലു ജീവന്‍- വീഡിയോ
സ്പോര്‍ട്സ് ഡെസ്‌ക്
Friday, 18th October 2019, 8:13 am
ന്യൂയോര്‍ക്ക്: മൂന്നുമാസത്തിനിടെ ബോക്‌സിങ് റിങ്ങില്‍ നാലാമത്തെ മരണം. തലച്ചോറിനു ക്ഷതമേറ്റ് നാലുദിവസം കോമയിലായിരുന്ന അമേരിക്കന്‍ താരം പാട്രിക് ഡേയാണു മരണത്തിനു കീഴടങ്ങിയത്.
ചിക്കാഗോയില്‍ കഴിഞ്ഞ ശനിയാഴ്ച ചാള്‍സ് കോണ്‍വെലുമായുള്ള പോരാട്ടത്തിലാണ് 27-കാരനായ പാട്രിക്കിനു ഗുരുതരമായി പരിക്കേറ്റത്. 10 റൗണ്ടായിരുന്ന ഈ സൂപ്പര്‍ വെള്‍ട്ടര്‍വെയ്റ്റ് പോരാട്ടം നീണ്ടുനിന്നത്.
ഒമ്പത് റൗണ്ട് വരെ ആധിപത്യം പുലര്‍ത്തിയെങ്കിലും അവസാന റൗണ്ടില്‍ കോണ്‍വെലിന്റെ പഞ്ചില്‍ പാട്രിക് താഴെവീഴുകയായിരുന്നു. പിന്നീട് കണ്ണുതുറന്നില്ല.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഉടന്‍തന്നെ സ്‌ട്രെച്ചറില്‍ കിടത്തി ആശുപത്രിയിലേക്കു കൊണ്ടുപോയെങ്കിലും ബോധം തെളിഞ്ഞില്ല. ഇതിനിടെ ശസ്ത്രക്രിയ നടത്തിയെങ്കിലും കാര്യമുണ്ടായില്ല.
