ബ്രിട്ടന് ആശ്വസിക്കാം, പ്രധാനമന്ത്രി ആശുപത്രി വിട്ടു; ഔദ്യോഗിക പരിപാടികളിലേക്ക് ബോറിസ് ഉടനുണ്ടാവില്ല
ഡൂള്‍ന്യൂസ് ഡെസ്‌ക്
Sunday, 12th April 2020, 7:08 pm
ലണ്ടന്‍: കൊവിഡ് 19 ബാധിച്ച് ചികിത്സയിലായിരുന്ന ബ്രിട്ടീഷ്‌ പ്രധാനമന്ത്രി ബോറിസ് ജോണ്‍സണ്‍ ആശുപത്രി വിട്ടു. അതേസമയം, ഡിസ്ചാര്‍ജ്ജ് ആയെങ്കിലും രോഗം പൂര്‍ണമായും ഭേദമാകുന്നത് വരെ ബോറിസ് ജോണ്‍സണ്‍ വിശ്രമത്തിലായിരിക്കുമെന്ന് ഡൊണിങ് സ്ട്രീറ്റ് വക്താവ് അറിയിച്ചു. കൊവിഡ് ബാധിച്ചതിനെത്തുടര്‍ന്ന് ബോറിസ് ഒരാഴ്ചയായി ചികിത്സയിലായിരുന്നു.
ആരോഗ്യ പ്രവര്‍ത്തകരുടെ നിര്‍ദ്ദേശം മാനിച്ച് ബോറിസ് പെട്ടന്ന് ഔദ്യോഗിക ജോലിളിലേക്ക് പ്രവേശിക്കില്ലെന്നാണ് റിപ്പോര്‍ട്ട്. ആശുപത്രിയില്‍ തന്നെ ചികിത്സിച്ച ആരോഗ്യ പ്രവര്‍ത്തകര്‍ക്ക് നന്ദിയറിയിച്ചാണ് ബോറിസ് ആശുപത്രി വിട്ടത്.
തീവ്രപരിചരണ വിഭാഗത്തിലായിരുന്ന ബോറിസ് ജോണ്‍സണെ കഴിഞ്ഞ ദിവസം വാര്‍ഡിലേക്ക് മാറ്റിയിരുന്നു. ആരോഗ്യനില മെച്ചപ്പെട്ടതിനെത്തുടര്‍ന്നായിരുന്നു ഇത്.
