മഴക്കെടുതിയില്‍ പുസ്തകം നഷ്ടപ്പെട്ടവര്‍ വിഷമിക്കേണ്ട; വിദ്യാര്‍ത്ഥിക്കുള്ള പുതിയ പാഠപുസ്തകങ്ങള്‍ റെഡി
ഡൂള്‍ന്യൂസ് ഡെസ്‌ക്
Friday, 16th August 2019, 5:45 pm
തിരുവനന്തപുരം: മഴക്കെടുതിയില്‍ പുസ്തകങ്ങള്‍ നഷ്ടപ്പെട്ട കുട്ടികള്‍ക്കുള്ള പുസ്തകം തയ്യാറായതായി പൊതുവിദ്യഭ്യാസവകുപ്പ്. വകുപ്പ് മന്ത്രിയുടെ ഔദ്യോഗിക സന്ദേശമനുസരിച്ച് പുതിയ പാഠപുസ്തകങ്ങള്‍ വിതരണത്തിന് തയ്യാറായിട്ടുണ്ട്.
മഴക്കെടുതിയില്‍ നഷ്ടപ്പെട്ട പാഠപുസ്തകങ്ങള്‍ക്ക് പകരം പുതിയ പാഠപുസ്തകങ്ങള്‍ ഓഗസ്റ്റ് 19 മുതല്‍ വിതരണം നടത്തും. പാഠപുസ്തകങ്ങള്‍ക്ക് പുറമേ നഷ്ടപ്പെട്ടുപോയ പഠനോപകരണങ്ങളും വിതരണം ചെയ്യാന്‍ സമഗ്ര ശിക്ഷാ കേരളയുടെ നേതൃത്വത്തില്‍ നടപടികള്‍ സ്വീകരിച്ചു കഴിഞ്ഞിട്ടുണ്ട്.
