തമിഴ് പൊലീസിനെ വീണ്ടും വലച്ച് ബോംബ് ഭീഷണി; ഇത്തവണ ചിയാന്‍ വിക്രമിനെതിരെ
ഡൂള്‍ന്യൂസ് ഡെസ്‌ക്
Monday, 30th November 2020, 6:52 pm
ചെന്നൈ: തമിഴ്‌നാട് പൊലീസിനെ വീണ്ടും വലച്ച് ബോംബ് ഭീഷണി. ഇത്തവണ ചിയാന്‍ വിക്രമിന്റെ വീടിന് നേരെയാണ് ഭീഷണി ഉണ്ടായിരിക്കുന്നത്. നേരത്തെ വിജയ്, രജനികാന്ത് എന്നിവരുടെ വീടിന് നേരെയും ഭീഷണി ഉണ്ടായിരുന്നു.
ചെന്നൈയിലെ വസന്ത് നഗറിലെ താരത്തിന്റെ വീടിന് നേരെയാണ് ഭീഷണി ഉണ്ടായത്. തിങ്കളാഴ്ച രാവിലെയാണ് വിക്രമിന്റെ വീട്ടില്‍ ബോംബ് വെച്ചിട്ടുണ്ടെന്നും പൊട്ടിത്തെറിക്കുമെന്നും ഭീഷണി കോള്‍ പൊലീസ് സ്റ്റേഷനിലേക്ക് വന്നത്.
എന്നാല്‍ പരിശോധന നടത്തിയെങ്കിലും ബോംബ് ഒന്നും കണ്ടെത്താന്‍ സാധിച്ചില്ല. വില്ലുപുരത്ത് നിന്നാണ് ബോംബ് ഭീഷണി വന്നതെന്നാണ് പൊലീസ് പറയുന്നത്.
