'സ്വതന്ത്രവീര്‍ സവര്‍ക്കര്‍'; സവര്‍ക്കറുടെ ജീവിതം പറയുന്ന ബോളിവുഡ് സിനിമ പ്രഖ്യാപിച്ചു
ഡൂള്‍ന്യൂസ് ഡെസ്‌ക്
Friday, 28th May 2021, 8:24 pm
മുംബൈ: ഹിന്ദുത്വ രാഷ്ട്രീയത്തന്റെ സൈദ്ധാന്തികനും സംഘപരിവാര്‍ നേതാവുമായ വിനായക് ദാമോദര്‍ സവര്‍ക്കറുടെ ജീവിതത്തെ ആസ്പദമാക്കി ബോളിവുഡില്‍ നിന്ന് സിനിമ പ്രഖ്യാപിച്ചു. സ്വതന്ത്രവീര്‍ സവര്‍ക്കര്‍ എന്നാണ് സിനിമക്ക് പേരിട്ടിരിക്കുന്നതെന്ന് അണിയറ പ്രവര്‍ത്തകര്‍ അറിയിച്ചു.
സവര്‍ക്കറുടെ 138ാം ജന്മവാര്‍ഷിക ദിനത്തിലാണ് സിനിമയുടെ പ്രഖ്യാപനം. ടൈറ്റില്‍ കഥാപാത്രത്തെയുള്‍പ്പെടെ ചിത്രത്തില്‍ അഭിനയിക്കുന്നത് ആരൊക്കെയെന്ന വിവരം പുറത്തുവിട്ടിട്ടില്ല.
മഹേഷ് മഞ്ജ്‌രേക്കരാണ് സംവിധാനം ചെയ്യുന്നത്. മഹേഷ് മഞ്ജ്‌രേക്കര്‍ക്കൊപ്പം റിഷി വിര്‍മാനിയും ചേര്‍ന്നാണ് രചന നിര്‍വഹിക്കുന്നത്. സന്ദീപ് സിങും അമിത്.ബി. വാധ്വാനിയും ചേര്‍ന്നാണ് ചിത്രം നിര്‍മിക്കുന്നത്. മഹാരാഷ്ട്രയിലെ വിവിധ സ്ഥലങ്ങള്‍, ലണ്ടന്‍, ആന്‍ഡമാന്‍ ദ്വീപ് എന്നിവടങ്ങളിലാകും സിനിമ ചിത്രീകരിക്കുക.
