മുംബൈ: ബോളിവുഡ് താരം സുജാത കുമാര്‍ അന്തരിച്ചു. ഇന്നലെ രാത്രി 11.26 ന് മുംബൈയിലെ ലീലാവതി ആശുപത്രിയിലായിരുന്നു അന്ത്യം. സുജാതയുടെ സഹോദരി സുചിത്ര കൃഷ്ണമൂര്‍ത്തിയാണ് മരണവിവരം സ്ഥിരീകരിച്ചത്.

ക്യാന്‍സര്‍ ബാധിച്ച നാളുകളായി ചികിത്സയിലായിരുന്നു സുജാത.

2012 ല്‍ പുറത്തിറങ്ങിയ ഇംഗ്ലീഷ് വിംഗ്ലീഷ് സിനിമയില്‍ ശ്രീദേവിയുടെ സഹോദരിയുടെ കഥാപാത്രം ചെയ്തത് സുജാതയായിരുന്നു. രാഝാന, ഗുസാരിഷ് എന്നീ സിനിമയിലും നിരവധി ടി.വി ഷോകളിലും അഭിനയിച്ചിട്ടുണ്ട്.

സംസ്‌കാര ചടങ്ങുകള്‍ ഇന്ന് 11 മണിയ്ക്ക് ജുഹു ശ്മശാനത്തില്‍ നടക്കും.