മാതാപിതാക്കള്‍ പിരിഞ്ഞപ്പോള്‍ ഭക്ഷണത്തിലാണ് സമാധാനം കണ്ടെത്തിയത്; ഒടുവില്‍ 16ാം വയസ്സില്‍ 150 കിലോയിലെത്തി ശരീരഭാരം: അര്‍ജുന്‍ കപൂര്‍
എന്റര്‍ടെയിന്‍മെന്റ് ഡെസ്‌ക്
Thursday, 29th April 2021, 4:51 pm
കുട്ടിക്കാലത്ത് അമിത ഭക്ഷണം കഴിക്കാന്‍ തുടങ്ങിയതും അത് പിന്നീട് ആരോഗ്യപ്രശ്‌നങ്ങളിലേക്ക് നയിച്ചതിനെയും കുറിച്ച് തുറന്നുപറഞ്ഞ് ബോളിവുഡ് നടന്‍ അര്‍ജുന്‍ കപൂര്‍. ഒടുവില്‍ ആസ്തമയടക്കമുള്ള രോഗങ്ങള്‍ വന്നതോടെ ഭക്ഷണം നിയന്ത്രിക്കാന്‍ തുടങ്ങുകയായിരുന്നെന്നും അര്‍ജുന്‍ കപൂര്‍ പറയുന്നു. ഡിസ്‌നി പ്ലസിന്റെ സ്റ്റാര്‍ vs ഫുഡ് എന്ന പരിപാടിയില്‍ സംസാരിക്കുകയായിരുന്നു നടന്‍.
‘ഭക്ഷണം കഴിക്കുന്നതില്‍ പതിയെ പതിയെ നിയന്ത്രണം ഇല്ലാതായി. അവസാനം ആസ്തമ വരുന്ന നിലയിലായി. മറ്റു കടുത്ത ശാരീരിക പ്രശ്‌നങ്ങളും ആരംഭിച്ചു. 16 വയസ്സുള്ളപ്പോള്‍ എനിക്ക് 150 കിലോയായിരുന്നു ഭാരം.
എന്റെ മാതാപിതാക്കള്‍ പിരിഞ്ഞത് എന്ന വല്ലാതെ ബാധിച്ചിരുന്നു. പിന്നീട് ഞാന്‍ സമാധാനവും ആശ്വാസവും കണ്ടെത്തിയത് ഭക്ഷണത്തിലായി. പിന്നീട് ഭക്ഷണം കഴിക്കുന്നത് എനിക്ക് ഏറെ ഇഷ്ടപ്പെട്ട കാര്യമായി.
