'അച്ഛന്‍ ഒരു ഇതിഹാസതാരമായിരുന്നു, മികച്ച നടനുള്ള ഒരു അവാര്‍ഡ് പോലും അദ്ദേഹത്തിന് ലഭിച്ചിട്ടില്ല'; ബോബി ഡിയോള്‍
എന്റര്‍ടെയിന്‍മെന്റ് ഡെസ്‌ക്
Monday, 8th March 2021, 1:01 pm
മുംബൈ: അവാര്‍ഡുകള്‍ തന്നെ സ്വാധീനിക്കാറില്ലെന്ന് ബോളിവുഡ് താരം ബോബി ഡിയോള്‍. ഒരു നീണ്ട ഇടവേളയ്ക്ക് ശേഷം ബോബി മികച്ച റോളിലെത്തിയ വെബ് സിരീസായ ‘ആശ്രമം’ ലെ പ്രകടനത്തിന് പുരസ്‌കാരം ലഭിച്ച പശ്ചാത്തലത്തിലായിരുന്നു ബോബിയുടെ പ്രതികരണം.
‘എന്റെ അച്ഛന്‍ (ധര്‍മ്മേന്ദ്ര) ഒരു ഇതിഹാസ താരമായിരുന്നു. മികച്ച നടനുള്ള ഒരു അവാര്‍ഡ് പോലും അദ്ദേഹത്തിന് ലഭിച്ചിട്ടില്ല. ഇതുകണ്ടാണ് ഞാന്‍ വളര്‍ന്നത്. അവാര്‍ഡുകള്‍ വാരിക്കൂട്ടണമെന്ന് എനിക്കും തോന്നിയിട്ടില്ല. അച്ഛനെ ജനങ്ങള്‍ ഹൃദയത്തിലേറ്റുകയായിരുന്നു. അതായിരുന്നു അദ്ദേഹത്തിന് ലഭിച്ച ഏറ്റവും വലിയ പുരസ്‌കാരം. നമുക്ക് അവാര്‍ഡ് ലഭിക്കുമ്പോള്‍ നമ്മുടെ ആരാധകര്‍ക്ക് സന്തോഷമാകും. അതല്ലാതെ നമുക്ക് സന്തോഷിക്കാനുള്ള വകയൊന്നും അവാര്‍ഡുകളില്‍ നിന്ന് ലഭിക്കില്ല,’ ബോബി പറഞ്ഞു.
