നടുകടലില്‍ പെട്ടുപോകുന്ന പത്തുപേര്‍; അവരെ അക്രമിക്കാനെത്തുന്ന സ്രാവും; 'ബോട്ട്' ടീസര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Sunday, 17th December 2023, 12:45 pm
യോഗി ബാബു, ഗൗരി ജി. കിഷന്‍, വിജയ്, ശ്രീദേവി, കിച്ച സുധീപ് എന്നിവരെ കേന്ദ്ര കഥാപാത്രങ്ങളാക്കി ചിമ്പു ദേവന്‍ സംവിധാനം ചെയ്യുന്ന പാന്‍ ഇന്ത്യന്‍ ചിത്രം ‘ബോട്ട്’ന്റെ ടീസര്‍ റിലീസായി.
പൂര്‍ണമായും കടലില്‍ ചിത്രീകരിച്ച ഈ സിനിമ മാലി ആന്‍ഡ് മാന്‍വി മൂവി മേക്കേഴ്സിന്റെ ബാനറില്‍ പ്രഭ പ്രേംകുമാറാണ് നിര്‍മിക്കുന്നത്. തമിഴ്, തെലുങ്ക്, മലയാളം, കന്നഡ, ഹിന്ദി എന്നീ ഭാഷകളിലായി ഫെബ്രുവരിയില്‍ ചിത്രം തിയേറ്ററുകളിലെത്തും.
1940ല്‍ ജപ്പാന്‍ ചെന്നൈയില്‍ ബോംബ് സ്ഫോടനം നടത്തുന്നു. ബോട്ടില്‍ സഞ്ചരിക്കുന്ന 10 പേര്‍ ജീവന്‍ ഭയന്ന് ബോട്ടില്‍ നിന്ന് കടലിലേക്ക് ചാടും. ബോട്ടിലെ ദ്വാരത്തിലൂടെ വെള്ളം കയറുകയും പതുക്കെ മുങ്ങുകയും ചെയ്യുന്നു. ഇതിനിടയില്‍ ഒരു വലിയ സ്രാവ് ബോട്ടിനെ വളയുന്നു. ബോട്ടിലുള്ളവര്‍ എങ്ങനെ രക്ഷപ്പെടുന്നു എന്നതാണ് ചിത്രത്തിന്റെ പ്രമേയം.
