കാഴ്ചയില്ലാത്തയാളുടെ ലോട്ടറി ടിക്കറ്റുകള്‍ മോഷ്ടിച്ചയാള്‍ പിടിയില്‍
ഡൂള്‍ന്യൂസ് ഡെസ്‌ക്
Saturday, 22nd June 2019, 9:45 am
തിരുവനന്തപുരം: കാഴ്ച ശക്തിയില്ലാത്ത ലോട്ടറി വില്‍പ്പനക്കാരനില്‍ നിന്ന് ലോട്ടറി മോഷ്ടിച്ച വ്യക്തിയെ പിടികൂടി. എറണാകുളം ചമ്പക്കര സ്വദേശി സുനില്‍കുമാറിനെയാണ് പൊലീസ് പിടികൂടിയത്.
ഇയാള്‍ക്കെതിരെ കൊച്ചിയിലും തൃശ്ശൂരിലും ട്രെയിനില്‍ മോഷണം നടത്തിയതിന് കേസുണ്ട്. തിരുവനന്തപുരം റെയില്‍വേ സ്റ്റേഷനില്‍ വെച്ചാണ് ഇയാളെ പിടികൂടിയത്.
കഴിഞ്ഞ ദിവസമാണ് തിരുവനന്തപുരം തമ്പാനൂര്‍ ബസ് സ്റ്റാന്റില്‍ വെച്ച് ലോട്ടറി വില്‍പ്പനക്കാരന്റെ അടുക്കല്‍ നിന്ന് 23 ലോട്ടറി ടിക്കറ്റുകള്‍ സുനില്‍കുമാര്‍ മോഷ്ടിച്ചത്. ബസ് സ്റ്റാന്റില്‍ ലോട്ടറിവില്‍ക്കുന്നതിനിടെ ഇയാളുടെ കയ്യിലിരിക്കുന്ന ടിക്കറ്റ് കെട്ടുകളില്‍ നിന്നും ഒരു കെട്ട് സുനില്‍ കുമാര്‍ എടുക്കുകയായിരുന്നു.
