കോഴിക്കോട്: കൊടുവള്ളിയില്‍ കര്‍ഷകമോര്‍ച്ച നേതാവിന്റെ വീട്ടില്‍ സ്‌ഫോടനക വസ്തു പൊട്ടിത്തെറിച്ച് രണ്ട് കുട്ടികള്‍ക്ക് പരിക്ക്. ബി.ജെ.പി കൊടുവള്ളി മുന്‍ പഞ്ചായത്ത് പ്രസിഡന്റും കര്‍ഷകമോര്‍ച്ച ജില്ലാ സെക്രട്ടറിയുമായ പൂക്കള്‍ തിരുവോത്ത് സദാശിവന്റെ വീട്ടിലാണ് സ്ഫോടനം നടന്നത്.
സംഭവത്തില്‍ അയല്‍വാസികളായ അയല്‍വാസികളായ ചുണ്ടപ്പുറം കേളോത്ത് പുരയില്‍ അദീബ് റഹ്മാന്‍ (10), കല്ലാരന്‍കെട്ടില്‍ ജിതേവ് (8) എന്നീ കുട്ടികള്‍ക്കാണ് പരിക്കേറ്റത്. മുഖത്തും കൈക്കും പരിക്കേറ്റ കുട്ടികളെ കോഴിക്കോട് മെഡിക്കല്‍ കോളെജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
സദാശിവന്റെ വീട്ടുമുറ്റത്ത് കളിച്ചുകൊണ്ടിരുന്ന കുട്ടികള്‍ വീട്ടു വരാന്തയിലെ ടീപ്പോയിയില്‍ കണ്ട തീപ്പെട്ടി ഇവര്‍ എടുക്കുകയും കൂടിനുള്ളല്‍ കണ്ട വസ്തുവിന് തീ കൊടുക്കുകയുമായിരുന്നു. ഉടനെ വസ്തു പൊട്ടിത്തെറിക്കുകയായിരുന്നു.
