ബി.ജെ.പിയുടെ വാദം പൊളിച്ചുകൊണ്ട് വേണുഗോപാലൻ നായരുടെ മരണമൊഴി പുറത്ത്

തിരുവനന്തപുരം: ശബരിമല വിഷയവുമായി ബന്ധപ്പെട്ടാണ് ബി.ജെ.പി. സമരപ്പന്തലിനു മുന്നിൽ വെച്ച് വേണുഗോപാലൻ നായർ ആത്മഹത്യ ചെയ്തതെന്ന വാദം പൊളിച്ചുകൊണ്ട് അദ്ദേഹത്തിന്റെ മരണമൊഴി പുറത്ത്. ജീവിതം തുടരാന്‍ താല്‍പര്യമില്ലാത്തതിനാലാണ് താൻ ആത്മഹത്യ ചെയ്യുന്നത് എന്നാണ് വേണുഗോപാലൻ നായർ തന്റെ മൊഴിയിൽ പറയുന്നത്.

Also Read സംസ്ഥാനത്ത് നാളെ ബി.ജെ.പി ഹര്‍ത്താല്‍

വേണുഗോപാലൻ നായർ മരണത്തിനു കീഴടങ്ങുന്നതിനു തൊട്ടുമുൻപ് പൊലീസ് രേഖപ്പെടുത്തിയ മൊഴിയിലാണ് ഇക്കാര്യം പറയുന്നത്. കൂടാതെ ചികിൽസിച്ച ഡോക്ടറോടും വേണുഗോപാലൻ നായർ ഇതേ കാര്യം പറഞ്ഞു. ശബരിമല പ്രതിഷേധത്തെക്കുറിച്ചോ സ്ത്രീപ്രവേശനത്തെക്കുറിച്ചോ ഈ മൊഴിയിൽ ഒന്നും പറയുന്നില്ല.

വേണുഗോപാലൻ നായരുടെ ആത്മഹത്യ ശബരിമലയ്ക്ക് വേണ്ടിയാണെന്ന് വരുത്തിത്തീർത്ത് നാളെ ഹർത്താൽ നടത്തുകയാണ് ബി.ജെ.പി.

Also Read ബി.ജെ.പി സമര പന്തലിന് മുന്നില്‍ ആത്മഹത്യയ്ക്ക് ശ്രമിച്ചയാള്‍ മരിച്ചു

ഇന്ന് പുലർച്ചെ ഒന്നരയോടെയാണ് വേണുഗോപാലൻ നായർ തിരുവനന്തപുരം സെക്രട്ടേറിയറ്റിന് മുന്നിൽ വെച്ച് തീകൊളുത്തി ആത്മഹത്യക്ക് ശ്രമിച്ചത്. ബി.ജെ.പി. നിരാഹാര സമരം നടത്തുന്ന സമരപ്പന്തലിനു മുന്നിൽ വെച്ചായിരുന്നു സംഭവം നടന്നത്. സമരപ്പന്തലിലേക്ക് ഓടിക്കയറിയ വേണുഗോപാലന്‍ നായർ ശരീരത്തിൽ മണെണ്ണ ഒഴിച്ച ശേഷം തീകൊളുത്തുകയായിരുന്നു.

പൊലീസിന്‍റെ തക്കസമയത്തുള്ള ഇടപെടലാണ് വൻദുരന്തം ഒഴിവായത്. ഇതിനാലാണ് തങ്ങൾക്ക് വേണ്ടിയാണ് വേണുഗോപാലൻ നായർ ആത്മഹത്യ ചെയ്തത് എന്ന് ബി.ജെ.പി. വരുത്തിത്തീർക്കാൻ ശ്രമിക്കുന്നത്.

Also Read പെരുന്തച്ചന്റെ സംവിധായകന്‍ അജയന്‍ അന്തരിച്ചു

ഗുരുതരമായി പൊള്ളലേറ്റ നിലയിൽ വേണുഗോപാലൻ നായരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും അധികം താമസിയാതെ മരണപ്പെടുകയായിരുന്നു.

വേണുഗോപാലൻ നായർ ആർ.എസ്.എസ് പ്രവർത്തകനാണെന്നാണ് മരുമകൻ ബിനു പറയുന്നത്. ശബരിമല തിരുവനന്തപുരം മുട്ടട സ്വദേശിയാണ് വേണുഗോപാലന്‍ നായര്‍.