അഹമ്മദാബാദ്: ബി.ജെ.പി പ്രവര്‍ത്തകര്‍ കഠിനാധ്വാനികളാണെന്നും അതുകൊണ്ട് അവരെ കൊവിഡ് 19 ബാധിക്കില്ലെന്ന് ഗുജറാത്തിലെ ബി.ജെ.പി എം.എല്‍.എ. രാജ്‌കോട്ട് എംഎല്‍എ ഗോവിന്ദ് പട്ടേലാണ് വിവാദപ്രസ്താവന നടത്തിയത്.
നന്നായി അധ്വാനിക്കുന്നവരെ കൊറോണ വൈറസ് ബാധിക്കില്ല. ബി.ജെ.പി പ്രവര്‍ത്തകര്‍ കഠിനാധ്വാനികളാണ്. അതുകൊണ്ട് ഒരു പ്രവര്‍ത്തകനും കൊവിഡ് ബാധിക്കില്ല’, പട്ടേല്‍ പറഞ്ഞു.
അതേസമയം ഗോവിന്ദ് പട്ടേലിന്റെ പരാമര്‍ശത്തിനെതിരെ നിരവധി പേര്‍ വിമര്‍ശനവുമായി രംഗത്തെത്തിയിരുന്നു. കഴിഞ്ഞ മാസം ഗുജറാത്ത് മുഖ്യമന്ത്രി വിജയ് രൂപാനിയ്ക്ക് കൊവിഡ് സ്ഥിരീകരിച്ചത് ചൂണ്ടിക്കാട്ടിയായിരുന്നു വിമര്‍ശനം. അദ്ദേഹം ബി.ജെ.പിയിലെ അംഗമല്ലേയെന്ന് നിരവധി പേര്‍ ചോദിച്ചു.
ഗുജറാത്ത് നിയമസഭാംഗങ്ങള്‍ക്കും കൊറോണ ബാധിച്ചിരുന്നു. ബി.ജെ.പി സംസ്ഥാന നേതാവ് സി.ആര്‍ പട്ടേല്‍, വഡോദര ബി.ജെ.പി എം.പി രഞ്ജന്‍ ബെന്‍ എന്നിവരും കൊറോണ ബാധിച്ചതായി വാര്‍ത്തകളുണ്ടായിരുന്നു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
