കേരളത്തിലെ എന്‍.സി.പി മൂല്യങ്ങള്‍ ഉയര്‍ത്തിപ്പിടിക്കുന്നവര്‍; എന്‍.ഡി.എയിലേക്ക് സ്വാഗതം ചെയ്ത് സുരേന്ദ്രന്‍
ഡൂള്‍ന്യൂസ് ഡെസ്‌ക്
Sunday, 2nd July 2023, 7:58 pm
കൊച്ചി: കേരളത്തിലെ എന്‍.സി.പിയും എന്‍.ഡി.എക്കൊപ്പം ചേരുമെന്നാണ് കരുതുന്നതെന്ന് ബി.ജെ.പി സംസ്ഥാന അധ്യക്ഷന്‍ കെ. സുരേന്ദ്രന്‍. മഹാരാഷ്ട്രയിലെ പുതിയ രാഷ്ട്രീയ അട്ടിമറിയുടെ പശ്ചാത്തലത്തില്‍ കൊച്ചിയില്‍ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. കേരളത്തില്‍ എന്‍.സി.പി ചെറിയ പാര്‍ട്ടിയാണെങ്കിലും പല മൂല്യങ്ങളും ഉയര്‍ത്തിപ്പിടിക്കുന്ന രാഷ്ട്രീയ കക്ഷിയാണെന്നും അദ്ദേഹം പറഞ്ഞു.
‘എന്‍.സി.പി ദേശീയ തലത്തിലെ മാതൃക സ്വീകരിച്ച് ബി.ജെ.പിക്കൊപ്പം ചേരണം.
എന്‍.സി.പിയില്‍ ഭിന്നതയുണ്ട്. എന്‍.ഡി.എ പാര്‍ട്ടിയില്‍ നിന്ന് പോയവരെ മടക്കികൊണ്ടുവരാന്‍ നീക്കം നടക്കുന്നുണ്ട്. പാര്‍ട്ടി വിട്ട പലരോടും സംസാരിച്ചു കഴിഞ്ഞു,’ കെ. സുരേന്ദ്രന്‍ പറഞ്ഞു.
