കെ ഫോണും വേണ്ട, ഒരു മണ്ണാങ്കട്ടയും വേണ്ട; മോദി സര്‍ക്കാര്‍ ബി.എസ്.എന്‍.എല്‍ ലാഭത്തിലാക്കി: കെ. സുരേന്ദ്രന്‍
ഡൂള്‍ന്യൂസ് ഡെസ്‌ക്
Friday, 9th June 2023, 5:32 pm
ആലപ്പുഴ: രാജ്യത്തെ ഇന്റര്‍നെറ്റ് സൗകര്യങ്ങള്‍ ലോകത്തിലെ എല്ലാ രാജ്യങ്ങളോടും കിടപിടിക്കാന്‍ കഴുന്ന ഒന്നാണെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്‍. കെ ഫോണ് കൊണ്ട് കേരളത്തില്‍ ഒരു മഹാത്ഭുതവും കാണിക്കാന്‍ പോകുന്നില്ലെന്നും അദ്ദേഹം പറഞ്ഞു.
കോടിക്കണക്കിന് രൂപ ലക്ഷ്യം വെക്കുന്ന അഴിമതിയാണ് കെ ഫോണിലുള്ളതെന്നും അദ്ദേഹം പറഞ്ഞു. ആലപ്പുഴ മാരാരികുളത്ത് നടന്ന ഒരു പരിപാടിയില്‍ സംസാരിക്കുകയായിരുന്നു സുരേന്ദ്രന്‍. നഷ്ടത്തില്‍ ഓടിയ ബി.എസ്.എലിനെ മോദി സര്‍ക്കാര്‍ ഒമ്പത് വര്‍ഷം കൊണ്ട് ലാഭത്തിലായിക്കിയെന്നും സുരേന്ദ്രന്‍ കൂട്ടിച്ചര്‍ത്തു.
