ഒറ്റയടിക്ക് 294 പേരുകള്‍ പ്രഖ്യാപിക്കാന്‍ പറ്റാത്ത 'ആഗോള രാഷ്ട്രീയ പാര്‍ട്ടി'; ബി.ജെ.പി സ്ഥാനാര്‍ത്ഥി പട്ടികയെ പരിഹസിച്ച് തൃണമൂല്‍
ഡൂള്‍ന്യൂസ് ഡെസ്‌ക്
Monday, 15th March 2021, 8:36 am
കൊല്‍ക്കത്ത: പശ്ചിംബംഗാളിലെ ബി.ജെ.പിയുടെ സ്ഥാനാര്‍ത്ഥി പട്ടികയെ പരിഹസിച്ച് തൃണമൂല്‍ കോണ്‍ഗ്രസ് നേതാവ് മഹുവ മൊയ്ത്ര.
നിയമസഭ തെരഞ്ഞെടുപ്പില്‍ എം.പിമാരെയും സിനിമാതാരങ്ങളെയും കേന്ദ്രമന്ത്രിയെയും സ്ഥാനാര്‍ത്ഥികളാക്കിയ നടപടിയും മത്സരാര്‍ത്ഥികളുടെ പട്ടിക പ്രഖ്യാപിക്കുന്നതിന് ഒന്നിലധികം റൗണ്ടുകള്‍ എടുക്കുന്നതിനെയും പരിഹസിച്ചാണ് തൃണമൂല്‍ കോണ്‍ഗ്രസ് രംഗത്തെത്തിയത്. പാര്‍ട്ടിക്ക് ശക്തമായ പ്രാദേശിക സ്ഥാനാര്‍ത്ഥികളില്ലെന്നാണ് ഇതില്‍ നിന്ന് മനസ്സിലാകുന്നതെന്നും തൃണമൂല്‍ പറഞ്ഞു.
ഏറ്റവും വലിയ ‘ആഗോള രാഷ്ട്രീയ പാര്‍ട്ടിക്ക്’ ഒരു സംസ്ഥാനത്തെ നിയമസഭാ തെരഞ്ഞെടുപ്പില്‍ ഒറ്റയടിക്ക് 294 പേരുകള്‍ പ്രഖ്യാപിക്കാന്‍ ആവശ്യമായ മുഖങ്ങളോ പ്രാപ്തിയോ ഇല്ലാതിരിക്കുമ്പോഴാണ് സംസ്ഥാനത്തെ സീറ്റ് മുഴുവന്‍ തൂത്തുവാരുമെന്ന് അവകാശപ്പെടുന്നതെന്ന് മഹുവ പരിഹസിച്ചു.
