ഉപരാഷ്ട്രപതി സ്ഥാനമായിരുന്നു ബി.ജെ.പി ഓഫര്‍; ഒന്നല്ല രണ്ട് തവണ കേന്ദ്ര മന്ത്രി വന്ന് കണ്ടു; എന്നിട്ടും ബി.ജെ.പിയിലേക്ക് പോയില്ലെന്ന് പി.ജെ കുര്യന്‍
ഡൂള്‍ന്യൂസ് ഡെസ്‌ക്
Sunday, 21st March 2021, 1:31 pm
തിരുവനന്തപുരം: ഉന്നത പദവി വാഗ്ദാനം ചെയ്ത് കേന്ദ്ര പാര്‍ലമെന്ററി കാര്യ മന്ത്രി മുഖ്തര്‍ അബ്ബാസ് നഖ്വി രണ്ട് തവണ താനുമായി ചര്‍ച്ച നടത്തിയെന്ന് മുതിര്‍ന്ന കോണ്‍ഗ്രസ് നേതാവ് പി.ജെ.കുര്യന്‍. ഉപരാഷ്ട്രപതി പദവിയാണ് തനിക്ക് വാഗ്ദാനം ചെയ്തതെന്നും,
ആ ഓഫര്‍ സ്വീകരിക്കാത്ത താന്‍ ബി.ജെ.പിയിലേക്ക് ഒരിക്കലും പോകില്ലെന്നും പി.ജെ കുര്യന്‍ പറഞ്ഞു. ഏഷ്യാനെറ്റ് ന്യൂസില്‍ വിനു.വി ജോണുമായുള്ള അഭിമുഖത്തിലായിരുന്നു പി.ജെ കുര്യന്റെ നിര്‍ണായക വെളിപ്പെടുത്തല്‍
” പ്രധാനമന്ത്രി നരേന്ദ്ര മോദി എനിക്ക് വളരെ അടുപ്പമുള്ള ആളാണ്. പ്രധാനമന്ത്രി എന്ന നിലയില്‍ ഞാന്‍ അദ്ദേഹത്തെ ബഹുമാനിക്കുകയും ചെയ്യുന്നു. പാര്‍ലമെന്ററി കാര്യ മന്ത്രി നഖ്വി ഒരു പ്രാവശ്യമല്ല രണ്ട് പ്രാവശ്യം എന്റെ അടുത്ത് വന്നു.
