'നടന്നത് മഹാ വികാസ് അഘാഡിയുടെ തിരിച്ചറിയല്‍ പരേഡ്'; ശിവസേന-എന്‍.സി.പി-കോണ്‍ഗ്രസ് സഖ്യത്തിന്റെ രാഷ്ട്രീയ നീക്കത്തെ പരിഹസിച്ച് ബി.ജെ.പി
ഡൂള്‍ന്യൂസ് ഡെസ്‌ക്
Monday, 25th November 2019, 11:41 pm
മുംബൈ: മഹാരാഷ്ട്രയില്‍ ശക്തി തെളിയിച്ച് ശിവസേന-എന്‍.സി.പി-കോണ്‍ഗ്രസ് സഖ്യം നടത്തിയ നീക്കത്തെ പരിഹസിച്ച് ബി.ജെ.പി. മൂന്ന് പാര്‍ട്ടികളുടെയും തിരിച്ചറിയല്‍ പരേഡാണ് മുംബൈ ഗ്രാന്റ് ഹയാട്ടില്‍ നടന്നതെന്ന് മുന്‍ മന്ത്രിയും ബി.ജെ.പി നേതാവുമായ ആഷിഷ് ഷെലര്‍ പറഞ്ഞു.
ജനാധിപത്യത്തിനും സംസ്ഥാനത്തെ ജനങ്ങള്‍ക്കും നേരെ സഖ്യം നടത്തിയ ക്രൂരമായ തമാശയാണ് ഇതെന്നും ഷെലര്‍ അഭിപ്രായപ്പെട്ടു. വിശ്വാസ വോട്ടെടുപ്പില്‍ ബി.ജെ.പി ഫോട്ടോഫിനിഷില്‍ വിജയിക്കുമെന്നും അദ്ദേഹം കൂട്ടിച്ചേര്‍ത്തു.
