ഉദ്യോഗസ്ഥരുടെ സ്ഥലം മാറ്റലില്‍ ബി.ജെ.പി. മന്ത്രിമാര്‍ സമ്പാദിച്ചത് 100 കോടി രൂപ; ഗുരുതര വെളിപ്പെടുത്തലുമായി ബി.ജെ.പി. എം.എല്‍.എ.
ഡൂള്‍ന്യൂസ് ഡെസ്‌ക്
Friday, 2nd July 2021, 6:24 pm
പാട്‌ന: ബീഹാറില്‍ ഉദ്യോഗസ്ഥരുടെ സ്ഥലം മാറ്റല്‍ വഴി മന്ത്രിമാര്‍ കോടിക്കണക്കിന് രൂപ സമ്പാദിക്കുന്നതായി ബി.ജെ.പി. എം.എല്‍.എയുടെ വെളിപ്പെടുത്തല്‍. ബി.ജെ.പി. മന്ത്രിമാര്‍ മാത്രം ഇത്തരത്തില്‍ 100 കോടി രൂപ കൈക്കലാക്കിയിട്ടുണ്ടെന്ന് ജ്ഞാനേന്ദ്ര സിംഗ് പറയുന്നു.
‘ബി.ജെ.പി. മന്ത്രിമാര്‍ 100 കോടിയോളം രൂപ ട്രാന്‍സ്ഫര്‍ വഴി സമ്പാദിച്ചിട്ടുണ്ട്. ജെ.ഡി.യു. മന്ത്രിമാരും ഇത്തരത്തില്‍ പണം നേടുന്നുണ്ട്. മുഖ്യമന്ത്രി നിതീഷ് കുമാര്‍ ഇതില്‍ ഇടപെടണം,’ ജ്ഞാനേന്ദ്ര സിംഗ് പറഞ്ഞു.
ഓരോ സ്ഥലം മാറ്റത്തിന് 4 ലക്ഷം രൂപ മുതല്‍ 50 ലക്ഷം രൂപ വരെയാണ് മന്ത്രിമാരും എം.എല്‍.എമാരും വാങ്ങുന്നതെന്നും അദ്ദേഹം കൂട്ടിച്ചേര്‍ത്തു. മറ്റൊരു ബി.ജെ.പി. എം.എല്‍.എയായ ഹരിഭൂഷണ്‍ ഠാക്കൂറും ഇത് ശരിവെച്ചു.
സംസ്ഥാനത്തെ ഉദ്യോഗസ്ഥരുടെ സ്ഥലം മാറ്റത്തിന് ഏക കാരണം പണമാണെന്ന് ഠാക്കൂര്‍ പറഞ്ഞു.
