ഈ പപ്പടത്തില്‍ കൊവിഡിനെതിരായ ആന്റിബോഡിയുണ്ട്; കൊവിഡിനെ ചെറുക്കുമെന്ന് അവകാശപ്പെട്ട് പപ്പടവുമായി കേന്ദ്രമന്ത്രി
ഡൂള്‍ന്യൂസ് ഡെസ്‌ക്
Friday, 24th July 2020, 1:30 pm
ന്യൂദല്‍ഹി: കൊറോണ വൈറസിനെതിരെ പോരാടാന്‍ സഹായിക്കുന്ന ആന്റിബോഡികള്‍ ഉത്പാദിപ്പിക്കുമെന്ന് അവകാശപ്പെട്ടുകൊണ്ട് പപ്പടവുമായി കേന്ദ്ര പാര്‍ലമെന്ററി കാര്യമന്ത്രി അര്‍ജുന്‍ മേഘ്‌വാല.
‘ഭാഭി ജി പപാഡ്’ എന്ന ബ്രാന്‍ഡ് ആരംഭിച്ച് കൊണ്ടാണ് മന്ത്രിയുടെ വിചിത്രവാദം. കൊവിഡ് ലോക്ക്ഡൗണിനെത്തുടര്‍ന്ന് ഇന്ത്യന്‍ സമ്പദ് വ്യവസ്ഥയെ പുനരുജ്ജീവിപ്പിക്കാന്‍ പ്രധാനമന്ത്രി നരേന്ദ്ര മോദി പ്രഖ്യാപിച്ച ബി.ജെ.പി സര്‍ക്കാരിന്റെ ആത്മ നിര്‍ഭര്‍ ഭാരത് പദ്ധതിയുമായി ബന്ധിപ്പിച്ചാണ് പപ്പടത്തിന്റെ നിര്‍മ്മാണം തുടങ്ങിയിരിക്കുന്നത്.
