2014 ല്‍ മദ്രസകള്‍ നവീകരിക്കുമെന്ന് പറഞ്ഞു, ഇപ്പോള്‍ അടച്ചുപൂട്ടുമെന്നും; ബി.ജെ.പിയുടെ മാനസിക നില തെറ്റിയെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Saturday, 17th October 2020, 6:21 pm
മുംബൈ: സര്‍ക്കാര്‍ നിയന്ത്രണത്തില്‍ പ്രവര്‍ത്തിക്കുന്ന മദ്രസകള്‍ അടച്ചുപൂട്ടണമെന്നാവശ്യപ്പെട്ട ബി.ജെ.പി നേതാവിനെതിരെ കോണ്‍ഗ്രസ്. മഹാരാഷ്ട്ര മുഖ്യമന്ത്രി ഉദ്ദവ് താക്കറെയ്ക്ക് മദ്രസകള്‍ അടച്ചുപൂട്ടാനാവശ്യപ്പെട്ട് കത്തയച്ച ബി.ജെ.പി എം.എല്‍.എ അതുല്‍ ഭത്കാല്‍ക്കറിന്റെ മാനസിക നില തെറ്റിയിരിക്കുകയാണെന്ന് കോണ്‍ഗ്രസ് നേതാവ് സച്ചിന്‍ സാവന്ത് പറഞ്ഞു.
‘2014 ലെ പ്രകടനപത്രികയില്‍ ബി.ജെ.പി പറഞ്ഞത് മദ്രസകള്‍ ആധുനികവല്‍ക്കരിക്കുമെന്നാണ്. ഇപ്പോള്‍ അവര്‍ മദ്രസകള്‍ അടച്ചുപൂട്ടാന്‍ നടക്കുകയാണ്. ഇത് തന്നെയാണോ നിങ്ങളുടെ സര്‍ക്കാരിന്റെ നയവും?’, സച്ചിന്‍ ചോദിച്ചു.
