ബെംഗളൂരു: മുസ്‌ലിങ്ങള്‍ക്കെതിരെ വ്യാജ വാര്‍ത്തകള്‍ പ്രചരിപ്പിച്ചതിന് അറസ്റ്റിലായ മഹേഷ് വിക്രം ഹെഡ്ഗയെ വിട്ടയക്കണമെന്ന് ബി.ജെ.പി നേതാക്കള്‍. സംഘപരിവാറിനും ബി.ജെ.പിയ്ക്കും വേണ്ടി വ്യാജവാര്‍ത്തകള്‍ പടച്ചു വിടുന്നതിന്റെ പേരില്‍ കുപ്രസിദ്ധിയാര്‍ജ്ജിച്ച വാര്‍ത്താ പോര്‍ട്ടലായ പോസ്റ്റ്കാര്‍ഡ് ന്യൂസിന്റെ സ്ഥാപകനാണ് മഹേഷ് വിക്രം. വ്യാജ വാര്‍ത്ത പ്രചരിപ്പിച്ചതിന് മഹേഷിനെ ഇന്നലെ ബെംഗളൂരു സെന്‍ട്രല്‍ ക്രൈം ബ്രാഞ്ച് അറസ്റ്റ് ചെയ്തിരുന്നു. ഇതേ തുടര്‍ന്നാണ് മഹേഷിനെ അനുകൂലിച്ച് ബി.ജെ.പി നേതാക്കള്‍ രംഗത്തെത്തിയത്.
ബി.ജെ.പി എം.പി പ്രതാപ് സിംഹയാണ് മഹേഷ് വിക്രത്തിന്റെ അറസ്റ്റില്‍ ആദ്യമായി പ്രതിഷേധവുമായെത്തിയത്. ഈ ട്വീറ്റ് ഇതുവരെയും ഡിലീറ്റ് ചെയ്യപ്പെട്ടിട്ടില്ല.
Today morning Coward Congress Govt (Karnataka) arrested @mvmeet Mahesh Vikram Hegde under unconnected IT act 66, that too by using CCB! Shame on you @INCKarnataka. pic.twitter.com/SZGUJKsfzi
— Chowkidar Pratap Simha (@mepratap) March 29, 2018
“ഭീരുക്കളായ കോണ്‍ഗ്രസുകാര്‍, ഇല്ലാത്ത ഐ.ടി ആക്ട് 66 പ്രകാരം അറസ്റ്റ് ചെയ്തിരിക്കുന്നു. നാണമില്ലേ നിങ്ങള്‍ക്ക്” പ്രതാപ് സിംഹ ട്വീറ്റ് ചെയ്തു.
കേന്ദ്രമന്ത്രി അനന്തകുമാര്‍ ഹെഗഡെയാണ് ശേഷം പിന്തുണയുമായെത്തിയത്. “നാണമില്ലേ സംസ്ഥാന സര്‍ക്കാരിന്. ജനാധിപത്യപരമായി നേരിടുന്നതിന് പകരം ഭീരുത്വപരമായ നടപടികളിലൂടെ ഏകാധിപത്യപരമായ സമീപനമാണ് സ്വീകരിക്കുന്നത്” അദ്ദേഹം പറഞ്ഞു.
Shame on the state government led by @siddaramaiah which is behaving in dictatorial terms in arresting @mvmeet. Ensure to follow the true democratic spirit in fighting us rather than doing a coward act. #ReleaseMaheshHegde
— Chowkidar Anantkumar Hegde (@AnantkumarH) March 29, 2018
ആര്‍.എസ്.എസ് നടത്തുന്ന രണ്ട് സ്‌കൂളുകളിലെ കുട്ടികള്‍ക്ക് പണം സ്വരൂപിക്കാന്‍ ശ്രമിച്ചതിനാലാണ് മഹേഷിനെ അറസ്റ്റ് ചെയ്തതെന്ന് വാദമാണ് ബി.ജെ.പി എം.എല്‍.എയും കര്‍ണാടക ജനറല്‍ സെക്രട്ടറിയുമായ സി.ടി രവി ട്വീറ്റ് ചെയ്തത്.
Wondering if Nationalist @mvmeet is arrested because he ran a successful campaign to raise funds for the children of two Hindu schools run by @RSSorg Leader Sri @KalladkaBhat that were denied funds by Anti-Hindu CONgress Government.#ISupportMaheshHegde #ReleaseMaheshHegde
— Chowkidar C T Ravi ?? ಸಿ ಟಿ ರವಿ (@CTRavi_BJP) March 29, 2018
മഹിളാ മോര്‍ച്ച ദേശീയ എക്‌സിക്യൂട്ടിവ് അംഗം പ്രീതി ഗാന്ധിയും ബി.ജെ.പി എം.പി മഹേയ്ഷ് ഗിരിയും ന്യായീകരണവുമായി രംഗത്തെത്തിയിട്ടുണ്ട്.
Shame on you @siddaramaiah for targeting common citizens who ask uncomfortable questions which you can't answer!! This pride will surely have a fall!! #ReleaseMaheshHegde https://t.co/1puxCv465F
— Chowkidar Priti Gandhi (@MrsGandhi) March 29, 2018
The arrest of @mvmeet & FIR on many other nationalist tweeples in Karnataka is a shameless act of @siddaramaiah govt. It shows @INCIndia & @RahulGandhi's contempt for constitutional values like Tolerance & Freedom of Expression.
— Chowkidar Maheish Girri (@MaheishGirri) March 29, 2018
#ReleaseMaheshHegde എന്ന ഹാഷ് ടാഗിലാണ് ട്വീറ്റുകള്‍. നിരവധി പ്രാദേശിക നേതാക്കളും ആര്‍.എസ്.എസ് പ്രവര്‍ത്തകരും ഇതേ ഹാഷ് ടാഗില്‍ ട്വീറ്റ് ചെയ്യുന്നുണ്ട്.
എന്നാല്‍, ഹാഷ്ടാഗ് ട്രെന്‍ഡ് ചെയ്യാന്‍ വാട്‌സ് അപ്പിലൂടെയും മറ്റും കൃത്രിമ ശ്രമങ്ങള്‍ നടക്കുന്നുണ്ടെന്ന് ആള്‍ട്ട് ന്യൂസ് സ്ഥാപകന്‍ പ്രതിക് സിന്‍ഹ പറഞ്ഞു.
Fervent appeals to trend #ReleaseMaheshHegde on BJP WhatsApp Groups in support of @postcard_news founder @mvmeet pic.twitter.com/l3mvBuajcK
— Pratik Sinha (@free_thinker) March 29, 2018
ഈ മാസം 18-ാം തിയ്യതി പ്രസിദ്ധീകരിച്ച വ്യാജവാര്‍ത്തയുടെ പേരിലാണ് മഹേഷ് വിക്രത്തെ അറസ്റ്റ് ചെയ്തത്. നേരത്തേ ശ്രാവണവെലഗോളയിലെ ഉത്സവത്തിനെത്തിയ ഒരു ജൈന സന്യാസി അപകടത്തില്‍ പെട്ടിരുന്നു. ഈ സംഭവത്തെ വളച്ചൊടിച്ച് സമൂഹത്തില്‍ വര്‍ഗീയ വിദ്വേഷം പടര്‍ത്തുന്ന തരത്തിലാണ് പോസ്റ്റ്കാര്‍ഡ് ന്യൂസ് വാര്‍ത്ത നല്‍കിയിരുന്നത്.
“കര്‍ണ്ണാടകയില്‍ ജൈന സന്യാസി മുസ്ലിം യുവാക്കളാല്‍ ആക്രമിക്കപ്പെട്ടിരിക്കുന്നു. സിദ്ധരാമയ്യയുടെ കര്‍ണ്ണാടകയില്‍ ആരും സുരക്ഷിതരല്ല.” എന്ന കുറിപ്പോടെയാണ് ജൈന സന്യാസിയുടെ ചിത്രം ഉള്‍പ്പെടെ പോസ്റ്റ്കാര്‍ഡ് ന്യൂസ് പോസ്റ്റ് ചെയ്തത്.
രണ്ടു പരാതികളിലാണ് ഇയാളെ അറസ്റ്റ് ചെയ്തത്. ബെംഗളൂരു ജില്ലാ കോണ്‍ഗ്രസ് കമ്മിറ്റി ജനറല്‍ സെക്രട്ടറി ഗഫാര്‍ ബൈഗ് ആണ് ഒരു പരീതിക്കാരന്‍.
റാണി ചെന്നമ്മയേയും ഒനാകെ ഒബാവയേയും (Onake Obava) പറ്റി പ്രസിദ്ധീകരിച്ച വ്യാജവാര്‍ത്തകളിന്മേല്‍ സഞ്ജയ് നഗര്‍ എന്ന വ്യക്തി നല്‍കിയതാണ് രണ്ടാമത്തെ പരാതി.
” ബൈക്ക് ഇടിച്ചാണ് ജൈന സന്യാസി അപകടത്തില്‍ പെട്ടത്. അല്ലാതെ ഹെഗ്ഡെ അവകാശപ്പെടുന്നതു പോലെ മുസ്ലിം യുവാക്കള്‍ ആക്രമിച്ചിട്ടല്ല. ഹെഗ്ഡെയെ അറസ്റ്റ് ചെയ്തത് സത്യമാണ്.” -ഒരു പൊലീസ് ഉദ്യോഗസ്ഥന്‍ പറഞ്ഞതായി “ദി ന്യൂസ് മിനുറ്റ്” റിപ്പോര്‍ട്ട് ചെയ്യുന്നു.
കേസില്‍ പൊലീസ് എഫ്.ഐ.ആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്. പോസ്റ്റ്കാര്‍ഡ് ന്യൂസിന്റെ ഫേസ്ബുക്ക് പേജിലും ഹെഗ്ഡെയുടെ വ്യക്തിഗത ഫേസ്ബുക്ക് അക്കൗണ്ടിലും ജൈന സന്യാസിയെ പറ്റിയുള്ള വ്യാജവാര്‍ത്ത പോസ്റ്റ് ചെയ്തിരുന്നു.
ഇന്ത്യന്‍ ശിക്ഷാ നിയമത്തിലെ 153 (എ), 34, 120 (ബി), ഐ.ടി ആക്ടിലെ 66-ാം വകുപ്പ് എന്നിവ പ്രകാരമാണ് ആദ്യ പരാതിയിലെ കേസ്. രണ്ടാം പരാതിയില്‍ ഇന്ത്യന്‍ ശിക്ഷാ നിയമത്തിലെ 153(എ), 295(എ) എന്നീ വകുപ്പുകള്‍ പ്രകാരമാണ് കേസ്.
Watch Doolnews Special: ഒഴുകാൻ മറന്ന ബേപ്പൂർ-കല്ലായി കനാൽ