ജി.സുധാകരന്റെ പേരില്‍ മൃത്യുഞ്ജയഹോമം നടത്തി ബി.ജെ.പി നേതാവ്
ഡൂള്‍ന്യൂസ് ഡെസ്‌ക്
Monday, 19th April 2021, 7:48 am
അമ്പലപ്പുഴ: മന്ത്രി ജി.സുധാകരന്റെ പേരില്‍ ബി.ജെ.പി ജില്ലാ വൈസ് പ്രസിഡന്റ് എല്‍.പി ജയചന്ദ്രന്‍ കളര്‍കോട് മഹാദേവ ക്ഷേത്രത്തില്‍ മൃത്യുഞ്ജയ ഹോമം നടത്തി.
സുധാകരന്റെ ജന്മനക്ഷത്രമായ ചതയം നാളിലാണ് നൂറ് രൂപ ശീട്ടാക്കി വഴിപാട് നടത്തിയത്. വഴിപാടിന്റെ പ്രസാദവും ജയചന്ദ്രന്‍ ക്ഷേത്രത്തില്‍ നിന്ന് വാങ്ങി.
കമ്മ്യൂണിസ്റ്റ് പൊളിറ്റിക്കല്‍ ക്രിമിനല്‍സിന്റെ ക്രൂരമായ പ്രവര്‍ത്തികളില്‍ നിന്ന് ജി.സുധാകരനെ രക്ഷിക്കുന്നതിന് വേണ്ടിയാണ് താന്‍ വഴിപാട് നടത്തിയതെന്ന് ജയചന്ദ്രന്‍ പറഞ്ഞു.
