'20 കോണ്‍ഗ്രസ് എം.എല്‍.എമാര്‍ ബി.ജെ.പിയില്‍ ചേരും'; ജര്‍ക്കിഹോളിക്ക് പിന്നാലെ ലക്ഷ്മണ്‍ സവാദിയും, പ്രസ്താവനകള്‍ക്ക് പിന്നില്‍ ഇതോ കാരണം?
ഡൂള്‍ന്യൂസ് ഡെസ്‌ക്
Saturday, 30th May 2020, 11:07 pm
ബെംഗളൂരു: കര്‍ണാടകയിലെ 20 കോണ്‍ഗ്രസ് എം.എല്‍.എമാര്‍ ബി.ജെ.പിയില്‍ ചേരാന്‍ തയ്യാറാണെന്ന് ഉപമുഖ്യമന്ത്രി ലക്ഷ്മണ്‍ സവാദി. അവരെ പാര്‍ട്ടിയില്‍ ചേര്‍ക്കണോ എന്ന കാര്യം കേന്ദ്ര നേതൃത്വമാണ് തീരുമാനിക്കേണ്ടതെന്നും അദ്ദേഹം പറഞ്ഞു.
ഒറ്റ ബി.ജെ.പി എം.എല്‍.എയെയും വിലക്ക് വാങ്ങാന്‍ കഴിയില്ലെന്നും സവാദി പറഞ്ഞു. കര്‍ണാടകയിലെ 22 കോണ്‍ഗ്രസ് എം.എല്‍.എമാര്‍ തന്നെ ബന്ധപ്പെടുന്നുണ്ടെന്നും ഹൈക്കമാന്‍ഡ് അനുവദിച്ചാല്‍ ആദ്യ ഘട്ടമെന്ന നിലയ്ക്ക് അഞ്ച് എം.എല്‍.എമാരെ ഒരാഴ്ചക്കകം ബി.ജെ.പിയില്‍ എത്തിക്കുമെന്ന് ബി.ജെ.പി നേതാവും ജലവിഭവ വകുപ്പ് മന്ത്രിയുമായ രമേഷ് ജര്‍ക്കിഹോളി പറഞ്ഞതിന് പിന്നാലെയാണ് സവാദിയുടെ പ്രതികരണം.
