അമ്മയേയും സഹോദരപുത്രിയേയും ബി.ജെ.പി നേതാവ് വീട്ടില്‍ നിന്ന് പുറത്താക്കി
ഡൂള്‍ന്യൂസ് ഡെസ്‌ക്
Friday, 11th March 2022, 10:18 pm
പാലക്കാട്: പ്രായപൂര്‍ത്തിയാകാത്ത സഹോദരപുത്രിയേയും വയോധികയായ അമ്മയേയും ബി.ജെ.പി നേതാവ് വീട്ടില്‍ നിന്ന് പുറത്താക്കി. പാലക്കാട് ജില്ലയിലെ ഷോളയൂര്‍ പഞ്ചായത്തിലെ കോട്ടത്തറയിലാണ് സംഭവം. ബി.ജെ.പി നേതാവായ വിജയകുമാറാണ് തന്റെ വയോധികയായ അമ്മയേയും പ്രായപൂര്‍ത്തിയാകാത്ത സഹോദരപുത്രിയേയും മാനസികവൈകല്യമുള്ള സഹോദരിമാരേയും വീട്ടില്‍ നിന്ന് പുറത്താക്കിയത്.
വീട് തന്റെ പേരിലാണെന്ന വാദമുയര്‍ത്തിയാണ് വിജയകുമാര്‍ ഇവരെ പുറത്താക്കിയത്. വിജയകുമാറിന്റെ അമ്മ സരസ്വതിയുടെ കൈയ്യില്‍ നിന്നും ദാനക്കരാര്‍ പ്രകാരം ഭൂമി സ്വന്തമാക്കിയെന്നാണ് വിജയകുമാര്‍ പറയുന്നത്. എന്നാല്‍ തന്നെ ഭീഷണിപ്പെടുത്തിയും മര്‍ദിച്ചുമാണ് തന്റെ ഒപ്പ് വാങ്ങിയതെന്നാണ് അമ്മ സരസ്വതിയുടെ പ്രതികരണം.
മകന്റെ ഭീഷണിയും മര്‍ദനവും ഭയന്ന് വയോധികയായ സരസ്വതിയും കുടുംബവും ആനക്കട്ടിയില്‍ വാടകക്ക് വീടെടുത്താണ് താമസം.
