'പിഷാരടി... നിങ്ങള്‍ നമ്മുടെ മഹാ സംസ്‌കാരത്തെ കൊഞ്ഞനം കാട്ടുകയാണ്; രമേശ് പിഷാരടിയുടെ ഫോട്ടോയ്ക്ക് എതിരെ എ.പി അബ്ദുള്ളക്കുട്ടി
ഡൂള്‍ന്യൂസ് ഡെസ്‌ക്
Friday, 5th February 2021, 1:24 pm
കൊച്ചി: സോഷ്യല്‍ മീഡിയയില്‍ പങ്കുവെയ്ക്കുന്ന ചിത്രങ്ങള്‍ക്ക് രസകരമായ അടികുറിപ്പ് നല്‍കുന്നയാളാണ് നടനും അവതാരകനും സംവിധായകനുമായ രമേശ് പിഷാരടി.
രമേശിന്റെ ചിത്രങ്ങള്‍ക്കും അടിക്കുറിപ്പുകള്‍ക്കും നിരവധി ആരാധകരാണ് ഉള്ളത്. ഇപ്പോളിതാ രമേശ് ഫേസ്ബുക്കില്‍ പങ്കുവെച്ച ഒരു ചിത്രത്തിനും അടിക്കുറിപ്പിനുമെതിരെ രംഗത്ത് എത്തിയിരിക്കുകയാണ് ബി.ജെ.പി ദേശീയ ഉപാധ്യക്ഷനായ എ.പി അബ്ദുള്ളക്കുട്ടി.
സോഷ്യല്‍ മീഡിയയില്‍ കഴിഞ്ഞ ദിവസം രമേശ് പിഷാരടി പങ്കുവെച്ച ചിത്രമാണ് അബ്ദുള്ളക്കുട്ടിയെ ചൊടിപ്പിച്ചത്. ‘മടിറ്റേഷന്‍’ എന്ന ക്യാപ്ഷന്‍ നല്‍കി പാറക്കെട്ടില്‍ കണ്ണടച്ചിരിക്കുന്ന രമേശ് പിഷാരടിയുടെ ചിത്രത്തിന് താഴേയാണ് പ്രതികരണവുമായി എ.പി അബ്ദുള്ളക്കുട്ടി എത്തിയത്.
