ബീഹാറില്‍ പൊതുയോഗത്തില്‍ പരസ്യമായി തമ്മിലടിച്ച് ബി.ജെ.പി- ജെ.ഡി.യു പ്രവര്‍ത്തകര്‍; കസേരകള്‍ വലിച്ചെറിഞ്ഞ് ബി.ജെ.പി പ്രവര്‍ത്തകര്‍
ഡൂള്‍ന്യൂസ് ഡെസ്‌ക്
Saturday, 13th April 2019, 11:21 am
ഹിജാപൂര്‍: രാമക്ഷേത്ര വിഷയവുമായി ബന്ധപ്പെട്ട് പൊതുയോഗത്തില്‍ ബി.ജെ.പി ജെ.ഡി.യു പ്രവര്‍ത്തകര്‍ക്കിടയില്‍ തമ്മിലടി. ബീഹാറിലെ ഹിജാപൂരിലാണ് സംഭവം.
രാമക്ഷേത്രമെന്നതല്ല തെരഞ്ഞെടുപ്പിലെ സുപ്രധാന തന്ത്രം എന്ന് ജെ.ഡി.യു നേതാവ് സഞ്ജയ് വര്‍മ്മ പറഞ്ഞതോടെ ബി.ജെ.പി പ്രവര്‍ത്തകര്‍ മുദ്രാവാക്യം വിളിക്കുകയായിരുന്നു.
തുടര്‍ന്ന് ബി.ജെ.പി പ്രവര്‍ത്തകര്‍ മേശമേല്‍ ചാടിക്കയറുകയും കസേരകള്‍ വലിച്ചെറിയുകയും വേദിയിലേക്ക് ഓടിക്കയറുകയും ചെയ്തു. സഖ്യകക്ഷിയായ ലോക് ജനശക്തി പാര്‍ട്ടി നേതാവ് പശുപതി കുമാര്‍ ഇരുവിഭാഗത്തേയും അനുനയിപ്പിക്കാന്‍ ശ്രമിച്ചു.
‘ പാര്‍ട്ടി പ്രവര്‍ത്തകര്‍ തമ്മിലടിക്കുന്നത് മാധ്യമങ്ങള്‍ കാണുകയാണ്, പ്രദേശവാസികള്‍ ഒന്നിന്റെ പേരിലും രോഷം കൊള്ളുന്നില്ല’ എന്നാണ് പശുപതി കുമാര്‍ പറഞ്ഞത്.
