ബി.ജെ.പിയുടെ വിവരസാങ്കേതിക സെല്ലിന്റെ ചുമതലയുള്ള അമിത് മാളവ്യക്ക് താക്കീത് നല്‍കി എഡിറ്റേഴ്‌സ് ഗില്‍ഡ് ഓഫ് ഇന്ത്യ. മാധ്യമപ്രവര്‍ത്തകന്‍ രജ്ദീപ് സര്‍ദേശായി ഐ.എസിന്റെ (ഇസലാമിക് സ്റ്റേറ്റ്) പി.ആര്‍ വര്‍ക്ക് ഏറ്റെടുക്കണം എന്നാവശ്യപ്പെട്ട് മാളവ്യ പോസ്റ്റ് ചെയ്ത ട്വീറ്റിനെതിരെയാണ് എഡിറ്റേഴ്‌സ് ഗില്‍ഡ് ഓഫ് ഇന്ത്യ രംഗത്തുവന്നത്.
തന്റെ ട്വീറ്റിന് പോള്‍ ചെയ്യാന്‍ മാളവ്യ ആവശ്യപ്പെട്ടിരുന്നു. ആളുകള്‍ പോള്‍ ചെയ്തുവെന്ന് പറയുന്ന കണക്കും മാളവ്യ ട്വിറ്ററില്‍ പോസ്റ്റ് ചെയ്തിരുന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
മാളവ്യ പറഞ്ഞത് സര്‍ദേശായിയുടെ രാജ്യസ്‌നേഹത്തെത്തന്നെ ചോദ്യം ചെയ്യുന്നതാണെന്ന് എഡിറ്റേഴ്‌സ് ഗില്‍ഡ് ഓഫ് ഇന്ത്യ പറഞ്ഞു.
മാളവ്യയുടെ പ്രസ്താവനക്കെതിരെ ബി.ജെ.പി രംഗത്തു വരണമെന്ന് അവര്‍ ആവശ്യപ്പെട്ടു. ട്വിറ്റര്‍ പോള്‍ മാളവ്യ പിന്‍വലിക്കണമെന്നും എഡിറ്റേഴ്‌സ് ഗില്‍ഡ് ഓഫ് ഇന്ത്യ ആവശ്യപ്പെട്ടു.
