രക്തത്തിന്റെ രുചിയറിഞ്ഞവരാണവര്‍; ബി.ജെ.പിയ്‌ക്കെതിരെ ആഞ്ഞടിച്ച് ലാലു പ്രസാദ് യാദവ്
ഡൂള്‍ന്യൂസ് ഡെസ്‌ക്
Tuesday, 5th October 2021, 8:55 pm
പട്‌ന: ബി.ജെ.പിയ്‌ക്കെതിരെ ആഞ്ഞടിച്ച് ആര്‍.ജെ.ഡി അധ്യക്ഷന്‍ ലാലു പ്രസാദ് യാദവ്. പാര്‍ട്ടി പ്രവര്‍ത്തകരോട് വീഡിയോ കോണ്‍ഫറന്‍സിലൂടെ സംസാരിക്കുകയായിരുന്നു അദ്ദേഹം.
‘ഹിന്ദുക്കളെ മുസ്‌ലിങ്ങള്‍ക്കെതിരെ തിരിച്ചാണ് ബി.ജെ.പി അധികാരത്തിലെത്തിയത്. മൃഗങ്ങള്‍ക്ക് സമാനമായി രക്തത്തിന്റെ രുചിയറിഞ്ഞവരാണവര്‍,’ ലാലുപ്രസാദ് പറഞ്ഞു.
ലഖിംപൂര്‍ കൂട്ടക്കൊലയെ അപലപിക്കുന്നതായും അദ്ദേഹം കൂട്ടിച്ചേര്‍ത്തു.
ബി.ജെ.പിയ്‌ക്കെതിരായ പ്രതിപക്ഷ ഐക്യത്തിന്റെ കെട്ടുറപ്പില്‍ സംശയം പ്രകടിപ്പിച്ച അദ്ദേഹം ഒന്നിച്ച് നിന്നാല്‍ ബി.ജെ.പിയെ പരാജയപ്പെടുത്താനാകുമെന്ന് തനിക്ക് ഉറപ്പുണ്ടെന്നും പറഞ്ഞു.
