ബെംഗളുരു: കര്‍ണാടകയിലെ ഇപ്പോഴത്തെ ബി.ജെ.പി സര്‍ക്കാര്‍ അധികകാലം നീണ്ടുനില്‍ക്കില്ലെന്ന് ജെ.ഡി.എസ് നേതാവ് എച്ച്.ഡി കുമാരസ്വാമി. നിയമസഭയില്‍ നിന്നും അയോഗ്യരാക്കപ്പെട്ട എം.എല്‍.എമാരുടെ മണ്ഡലത്തില്‍ തെരഞ്ഞെടുപ്പിന് തയ്യാറായിരിക്കാനും അദ്ദേഹം പ്രവര്‍ത്തകര്‍ക്ക് നിര്‍ദേശം നല്‍കി.
‘ ഈ സര്‍ക്കാര്‍ അധികകാലം നീണ്ടു നില്‍ക്കില്ലെന്ന് എനിക്ക് ഉറപ്പാണ്. 224 മണ്ഡലങ്ങളിലും തെരഞ്ഞെടുപ്പ് നടന്നേക്കാം.’ ജെ.ഡി.എസ് പ്രവര്‍ത്തകരുടെ യോഗത്തില്‍ പങ്കെടുക്കവേ കുമാരസ്വാമി പറഞ്ഞു.
‘ ഏത് സാഹചര്യത്തിലും പെട്ടെന്നു തന്നെ തെരഞ്ഞെടുപ്പു നടത്തുക. 17 സീറ്റുകളിലും അത് നടക്കാം.’ എന്നും അദ്ദേഹം പറഞ്ഞു.
ജെ.ഡി.എസ്-കോണ്‍ഗ്രസ് സര്‍ക്കാറിന്റെ ഭാഗമായിരുന്ന 17 എം.എല്‍.എമാര്‍ രാജിവെച്ചതിനു പിന്നാലെയാണ് കര്‍ണാടകയില്‍ ബി.ജെ.പിയുടെ നേതൃത്വത്തില്‍ സര്‍ക്കാര്‍ രൂപീകരിക്കുന്നതിലേക്കെത്തിയത്.
സ്പീക്കറായിരുന്ന കെ.ആര്‍ രമേഷ് വിമതരെ അയോഗ്യരാക്കിയിരുന്നു.