കര്‍ണാടകയിലെ സര്‍ക്കാര്‍ അധികകാലം നീണ്ടുനില്‍ക്കില്ല; ഉടന്‍ തെരഞ്ഞെടുപ്പിന് ഒരുങ്ങണമെന്ന് എച്ച്.ഡി കുമാരസ്വാമി
ഡൂള്‍ന്യൂസ് ഡെസ്‌ക്
Sunday, 4th August 2019, 4:29 pm
ബെംഗളുരു: കര്‍ണാടകയിലെ ഇപ്പോഴത്തെ ബി.ജെ.പി സര്‍ക്കാര്‍ അധികകാലം നീണ്ടുനില്‍ക്കില്ലെന്ന് ജെ.ഡി.എസ് നേതാവ് എച്ച്.ഡി കുമാരസ്വാമി. നിയമസഭയില്‍ നിന്നും അയോഗ്യരാക്കപ്പെട്ട എം.എല്‍.എമാരുടെ മണ്ഡലത്തില്‍ തെരഞ്ഞെടുപ്പിന് തയ്യാറായിരിക്കാനും അദ്ദേഹം പ്രവര്‍ത്തകര്‍ക്ക് നിര്‍ദേശം നല്‍കി.
‘ ഈ സര്‍ക്കാര്‍ അധികകാലം നീണ്ടു നില്‍ക്കില്ലെന്ന് എനിക്ക് ഉറപ്പാണ്. 224 മണ്ഡലങ്ങളിലും തെരഞ്ഞെടുപ്പ് നടന്നേക്കാം.’ ജെ.ഡി.എസ് പ്രവര്‍ത്തകരുടെ യോഗത്തില്‍ പങ്കെടുക്കവേ കുമാരസ്വാമി പറഞ്ഞു.
‘ ഏത് സാഹചര്യത്തിലും പെട്ടെന്നു തന്നെ തെരഞ്ഞെടുപ്പു നടത്തുക. 17 സീറ്റുകളിലും അത് നടക്കാം.’ എന്നും അദ്ദേഹം പറഞ്ഞു.
