ബി.ജെ.പിക്ക് ആഘോഷിക്കാന്‍ 15 ദിവസം, ഞങ്ങളെ പരസ്പരം കാണാന്‍ പോലും അനുവദിക്കുന്നില്ല; ഈ ഭയം സംസാരിക്കും കശ്മീരിലെ അവസ്ഥ: ഒമര്‍ അബ്ദുള്ള
ഡൂള്‍ന്യൂസ് ഡെസ്‌ക്
Wednesday, 5th August 2020, 4:54 pm
ശ്രീനഗര്‍: ബി.ജെ.പിയേയും കേന്ദ്ര സര്‍ക്കാരിനെയും വിമര്‍ശിച്ച് ജമ്മുകശ്മീര്‍ മുന്‍മുഖ്യമന്ത്രിയും നാഷണല്‍ കോണ്‍ഫറന്‍സ് വൈസ് പ്രസിഡന്റുമായ ഒമര്‍ അബ്ദുള്ള.
ആര്‍ട്ടിക്കിള്‍ 370 വ്യവസ്ഥകള്‍ റദ്ദാക്കിയതിലൂടെ ഉണ്ടായ സാഹചര്യം ചര്‍ച്ച ചെയ്യുന്നതിന് നാഷണല്‍ കോണ്‍ഫറന്‍സ് നേതാവ് വിളിച്ചു ചേര്‍ത്ത യോഗം അധികൃതരുടെ കര്‍ശന നിയന്ത്രണം കാരണം മുടങ്ങിയതിന് പിന്നാലെയാണ് ഒമര്‍ അബ്ദുള്ള വിമര്‍ശനവവുമായി രംഗത്തെത്തിയിരിക്കുന്നത്.
ആര്‍ട്ടികള്‍ 370 റദ്ദാക്കിയതിന്റെ ഒന്നാം വാര്‍ഷികം ബി.ജെ.പി ആഘോഷിക്കുമ്പോള്‍ കശ്മീരി നേതാക്കള്‍ക്ക് പരസ്പരം കാണാന്‍ പോലും പറ്റുന്നില്ലെന്ന് അദ്ദേഹം പറഞ്ഞു.
