ത്രിപുരയില്‍ മണിക് സര്‍ക്കാരിന് നേരെ അക്രമം അഴിച്ചുവിട്ട് ബി.ജെ.പി
ഡൂള്‍ന്യൂസ് ഡെസ്‌ക്
Monday, 10th May 2021, 5:47 pm
അഗര്‍ത്തല: ത്രിപുരയില്‍ സി.പി.ഐ.എം പോളിറ്റ് ബ്യൂറോ അംഗവും മുന്‍ മുഖ്യമന്ത്രിയുമായ മണിക്ക് സര്‍ക്കാരിന് നേരെ ബി.ജെ.പി പ്രവര്‍ത്തകരുടെ ആക്രമണം.
ശാന്തിബസാര്‍ സന്ദര്‍ശിക്കുന്നതിനിടെയാണ് ബി.ജെ.പി പ്രവര്‍ത്തകരുടെ ആക്രമണം. കൂട്ടത്തോടെ എത്തിയ ബി.ജെ.പി പ്രവര്‍ത്തകര്‍ മണിക്ക് സര്‍ക്കാരിനെ മര്‍ദ്ദിക്കുകയായിരുന്നു.
പ്രതിപക്ഷ ഉപനേതാവ് ബാദല്‍ ചൗധരിക്കൊപ്പമായിരുന്നു മണിക് ശാന്തിബസാറിലെത്തിയത്.
കല്ലും വടികളുമായിട്ടായിരുന്നു ബി.ജെ.പി പ്രവര്‍ത്തകര്‍ എത്തിയത്. മണിക് സര്‍ക്കാരിനെ ഇവര്‍ ആക്രമിക്കുന്നതിന്റെ വീഡിയോ പുറത്തുവന്നിട്ടുണ്ട്.
