ഇതെന്താ മസ്ജിദാണോ, പള്ളിയ്ക്ക് മുന്നില്‍ പന്നിയിറച്ചി കൊണ്ടിട്ടാല്‍ നിങ്ങള്‍ക്ക് ഇഷ്ടമാകുമോ? ദീപാവലിക്ക് തുറന്ന ബിരിയാണി കട അടപ്പിച്ച് ബജ്റംഗ്ദള് പ്രവര്‍ത്തകന്‍
ഡൂള്‍ന്യൂസ് ഡെസ്‌ക്
Saturday, 6th November 2021, 7:02 pm
ന്യൂദല്‍ഹി: ദീപാവലിക്ക് ബിരിയാണിക്കട തുറന്നതിന് ദല്‍ഹിയിലെ മുസ്‌ലിം കടക്കാരന് ഭീഷണി. ദി ക്വിന്റാണ് ഇക്കാര്യം റിപ്പോര്‍ട്ട് ചെയ്യുന്നത്.
സംഭവത്തില്‍ എഫ്.ഐ.ആര്‍ രജിസ്റ്റര്‍ ചെയ്തിട്ടുണ്ടെന്ന് നോര്‍ത്ത് ദല്‍ഹി പൊലീസ് അറിയിച്ചു.
നവംബര്‍ നാലിന് വൈകീട്ടായിരുന്നു സംഭവം. നിര്‍ബന്ധിച്ച് കടയടപ്പിക്കുന്നതിന്റെ വീഡിയോ പുറത്തായിട്ടുണ്ട്.
‘നിങ്ങള്‍ക്കെങ്ങനെയാണ് ഇന്ന് കട തുറക്കാന്‍ സാധിക്കുക? ഇന്ന് ഹിന്ദുക്കളുടെ ആഘോഷ ദിവസമാണെന്ന് നിങ്ങള്‍ക്കറിയില്ലേ? ഇന്ന് ദീപാവലിയാണ്. ഇതെന്താ പള്ളിയാണോ?’ എന്ന് ചോദിച്ചായിരുന്നു കട അടപ്പിച്ചത്.
