ബിലാല്‍ വരുന്നു; ഷൂട്ടിങ്ങ് തുടങ്ങുമെന്ന് റിപ്പോര്‍ട്ട്
എന്റര്‍ടെയിന്‍മെന്റ് ഡെസ്‌ക്
Sunday, 30th October 2022, 11:05 am
മലയാളി സിനിമാ പ്രേമികളും മമ്മൂട്ടി ആരാധകരും ഒരുപോലെ കാത്തിരിക്കുന്ന ചിത്രമാണ് ബിലാല്‍. ലോക്ഡൗണ്‍ കാരണം ബിലാലിന്റെ ചിത്രീകരണം നീണ്ടുപോകുകയായിരുന്നു. ബിലാല്‍ ജോണ്‍ കുരിശിങ്കല്‍ എന്ന കഥാപാത്രത്തെയാണ് മമ്മൂട്ടി ചിത്രത്തില്‍ അവതരിപ്പിച്ചത്.
ബിഗ്ബിയുടെ രണ്ടാം ഭാഗമായ ബിലാല്‍ വരുന്നുവെന്ന വാര്‍ത്ത ഏറെ ആവേശത്തോടെയാണ് പ്രേക്ഷകര്‍ ഏറ്റെടുത്തിരുന്നത്. ചിത്രത്തിന്റെ ഷൂട്ടിംഗ് സംബന്ധിച്ച പുതിയ വിവരങ്ങള്‍ പുറത്തുവരുന്നിരിക്കുകയാണ്.
2023ഓടെ ബിലാലിന്റെ ചിത്രീകരണം പൂര്‍ത്തിയാകുമെന്നാണ് അറിയുന്നത്. ഫ്രൈഡെ മാറ്റിനിയാണ് ഇക്കാര്യം ട്വീറ്റ് ചെയ്തത്. സിനിമയുടെ ഭൂരിഭാഗം ഭാഗങ്ങളും വിദേശത്തായിരിക്കും ചിത്രീകരിക്കുകയെന്നും ഇവര്‍ ട്വീറ്റ് ചെയ്യുന്നു. എന്നാല്‍ ഇക്കാര്യത്തില്‍ ഔദ്യോദിക വിശദീകരണങ്ങള്‍ ഒന്നും തന്നെ വന്നിട്ടില്ല.
